web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet Përmbaruesi Gjyqësor

8 Shkurt 2017, 18:21, Aktualitet CNA

Policia e Tiranës ka arrestuar një Përmbarues Gjyqësor privat pasi ka vazhduar të ushtrojë detyrën edhe pas heqjes së çertifikatës së ushtrimit të veprimtarisë përmbarimore. Forcat e rendit sqarojnë se përmbaruesi është një person me precedent penal pasi është shpallur fajtor për armëmbajtje pa leje.

Burime nga policia bëjnë me dije se shtetasi i arrestuar është Baftjar Nelaj, 50 vjeç, banues në Tiranë.

Ndalimi i këtij shtetasi është bërë pasi ka vazhduar të ushtroj detyrën funksionale si përmbarues privat edhe pas heqjes së çertifikatës së ushtrimit të veprimtarisë përmbarimore, veprime këto në kundërshtim me ligjin Nr.10031,  datë 11.12.2008 si dhe urdhërin e Ministrit të Drejtësisë Nr.753/2 datë 11.01.2017.

Këtij shtetasi pasi i është hequr liçensa, ka vijuar me kërkesa, urdhra ekzekutimesh dhe sekuestrosh në tre subjekte të ndryshme.

Në cilësinë e provës materiale janë sekuestruar kopje të shkresave të cilat vërtetojnë se pas heqjes së liçensës ky përmbarues në kundërshtim me ligjin nr.10031, dt.11.12.2008, ka vazhduar ushtrimin e detyrës duke sjellë pasoja ndaj 3 subjekteve.

Ky shtetas ka rezultuar me preçedent penal pasi është shpallur fajtor me vendim të Gjykatës së Rrethit Gjyqësor Tiranë, për veprën penale të “Mbajtje pa leje e armëve dhe municioneve luftarake” parashikuar nga Neni 278/2 i Kodit Penal.

Materialet do ti kalojnë Prokurorisë pranë Gjykatës së Shkallës së Parë Tiranë për veprën penale të “Shpërdorimit të detyrës” parashikuar nga Neni 248 i Kodit Penal./CityNews





Lajmet e fundit nga