web counter
LEXO PA REKLAMA!

SHKARKO APP

App Store
Google Play

E fundit!

x

Atentati ndaj fisit Çapja/ Prokuroria zbardh dosjen, çfarë e tradhtoi autorin

8 Shkurt 2017, 15:08, Aktualitet CNA

Prokuroria e Elbasanit ka zbuluar detaje të reja mbi atentatin ndaj Floren Çapjes, në qershor të vitit 2016. Një javë më parë, autoritetet policore holandeze arrestuan autorin e dyshuar të atentatit, Shkëlzen Hasanpapajn. Sipas Prokurorisë së Elbasanit, arrestimi i 19-vjeçari në Holandë ka ardhur pas urdhër arrestit të lëshuar nga kjo prokurori. Në dosjen e zbardhur, Prokuroria sqaron se ky shtetasi Hasanpapaj është i dyshuar për veprat penale të ?vrasjes në rrethana cilësuese? mbetur në tentativë dhe ?mbajtje pa leje të armëve luftarake?.

Ndaj këtij personi, me kërkesë të Prokurorisë së Elbasanit, gjykata e qytetit ka vendosur në Nëntor 2016 masën e sigurisë ?arrest në burg?, pasi dyshohet se, paraditen e datës 06.06.2016, në qytetin e Elbasanit, përballë ish-kirurgjisë ka qëlluar me armë në drejtim të automjetit me targe AA xxx NE, duke plagosur brenda tij shtetasin Bledar Muça, si dhe është plagosur shtetasja M. Kermezo, punonjëse policie, e cila, në momentin e ngjarjes, ka qenë rastësisht si këmbësore aty.

Nga këqyrja e vendit të ngjarjes, ndër të tjera, janë gjetur edhe disa objekte, të cilat mund të shërbenin për identifikimin e autorit. Kështu, janë gjetur një çantë kamuflazhi, arma e krimit, si edhe sende që dyshohet se janë përdorur nga autori.atentatori

Për të gjitha këto sende është kryer analiza e ADN-së, në bazë të të cilës është përftuar profil i njëjtë gjenetik. Pra, gjurmët e ADN-së së gjakut, të gjetura në armën e krimit, ishin të njëjta me ato të gjetura në çantën e kamuflazhit, si edhe në sendet e tjera, të cilat gjendeshin në vendin nga ku është kryer atentati.

Në vijim të hetimit, janë siguruar të dhëna operative se autori i atentatit mund të ishte Shkëlzen Hasanpapaj. Për këtë arsye, është bërë kërkimi i këtij personi, me qëllim për të realizuar krahasimin e mostrave të ADN-së të gjendur në vendngjarje me profilin gjenetik të këtij shtetasi. Ky person nuk është arritur të gjendet, pasi rezultoi që pas ditës së atentatit, të jetë larguar nga Shqipëria.
Për të siguruar provat e nevojshme, nga ana e Prokurorisë së Elbasanit është urdhëruar ekspertiza e ADN-së për prindërit e të dyshuarit Hasanpapaj. Nga ekspertiza, rezultoi se ADN-ja e gjetur në vendin e ngjarjes lidhet me shtetasit Q. dhe A. Hasanpapaj (prindërit e të dyshuarit) në raportin ?nënë-bir? dhe ?babë-bir?.

Çifti i prindërve Q. dhe A. Hasanpapaj kanë dy fëmijë, djem. Është bërë analiza gjenetike e shtetasit S. Hasanpapaj (vëllai i të dyshuarit) dhe ka rezultuar se profili gjenetik i gjendur në vendngjarje, NUK përputhet me atë të gjetur në vendin e ngjarjes.

Në bazë të analizës gjenetike, por edhe në bazë të provave të tjera të përfituara gjatë hetimit të deritanishëm, janë krijuar dyshimet e arsyeshme se autori i ngjarjes së datës 06.06.2016 në Elbasan është Shkëlzen Hasanpapaj. Ndaj këtij shtetasi është nxjerrë urdhri i kërkimit ndërkombëtar, pasi rezultonte se ai ishte larguar jashtë Shqipërisë./CityNews





Lajmet e fundit nga