Nëna denoncon zhdukjen e vajzës/ Ma përdhunuan që 15 vjeç, po e shfrytëzojnë si prostitutë!

6 Dhjetor 2016, 13:29, Aktualitet CNA

Historia e Ermirës 20-vjeçare, e larguar drejt Italisë pa lënë gjurmë, pasi braktisi bashkëshortin dhe djalin 16-muajsh pas dhunës në familje është rrëfyer sot në do emisionin ?Me Zemër të Hapur? në News 24 nga nëna e saj, Lindita Lamaj, e cila ka dyshime të forta që Ermira po shfrytëzohet si prostitutë në shtetin italian.

Përmes një rrëfimi rrënqethës për jetën e së bijës, Lindita tregon me detaje momentin kur e bija ra prej e një tutori që e përdhunoi që kur ishte 15-vjeçe, ndërsa pranoi që nuk e ka denoncuar rastin, pasi e bija e kërcënonte se do helmohej. Ndërsa vitet kaluan, vajza u martua me dëshirën e saj me një
djalë në Berat, por ai e rrihet edhe kur ishte shtatzënë. Nëna tregoi vuajtjet e së bijës për të sjellë në jetë djalin Mateo dhe mometet kur u detyrua ta braktiste prej dhunës. Nëna thotë se e pranoi në shtëpi dhe e përkrahu, por Ermira mori rrugët, nuk mblidhej natën, deri sa u largua me traget drejt Italisë. ?Kishte ndryshuar dialekt, më thoshte kam jetën time, ça do me mu, ça ke me mu, kam jetën time private, më lër rehat?, tregoi ajo mes lotësh.

Si ka qenë fëmijëria e Ermirës?
Ermira është rritur me gjyshër si nga anët e burrit edhe nga ana ime. Ajo ka qenë një tip i ndrydhur. Ajo ka dashur të bëhet balerinë ose volejbolliste. Është e gjatë në trup. Me ato mundësi që kisha e çoja në shkollë.

E keni ndrydhur ju apo ka qenë nga natyra?
Ajo ka qenë ashtu si tip. Kur ka qenë 6 vjeç ajo ka parë dhunë. Ka parë sesi rrihej nëna e saj me rripin e pantallonave. Unë isha në atë kasolle ku jetoj dhe sot. Ai i nxirrte jashtë, dhe ata shihnin nga dritarja e kasolles, kur burri më rrihte. Unë kam 15 ditë që fle në urgjencën e spitalit. Kam kaluar në bronko-pneumoni se flija në çimento. Ermira duke u rritur, u bë e distancuar. Unë doja që vajza ime ët shkollohej. Doja që ajo të ishte dikushi. Nuk doja që jeta e Ermirës të bëhej kështu.

Çfarë ndodhi në moshën e adoleshencës?
Kur ishte në vitin e parë dikush e mori në telefon. Ajo kishte një telefon të thjeshtë, me lojëra. Dhe unë kujtoja se luante. Por ajo kishte rënë pre e një tutori, dhe dhunohej psikologjikisht. Ky person ishte 30 vjeç. Shkova në shkollë ta kërkoja, po nuk ishte aty. Kur shkova në shtëpi, e gjeta me shishen e rakisë në dorë, dhe me cigare. Ajo më tregoi se kishte rënë pre e abuzimit seksual.

Pse nuk bëtë denoncim?
Sepse ishte në një moshë të vogël. Ne flisnim me një psikolog në atë kohë. Dhe i kërkova ndihmë si mund të mbështesja vajzën.

Nuk të rekomandoi psikologu të denoncoje rastin?
Vajza ishte e vogël, dhe nuk donte të merrej vesh. Vajza nuk i dinte as emrin. Por ai e mori në makinë, dhe abuzoi me të.

Pse nuk e keni denoncuar?
Më thoshte do helmohem, do iki nga shtëpia, nëse e denoncon. E mbajta vetëm unë dhe ajo këtë sekret më pas vijoi jetën. Kam folur shumë me psikologët e linjës ?Alo 16?.

Ju tha ku e kishte njohur këtë person?
Po nëpërmjet internetit, shfaqi shenja 4 ditë pasi e kishte njohur, e marr e çoj në urgjencën e Fierit, po më ikte vajza kishte hemorragji dhe dridhej. Vajza kishte bezdi të rrinte në spital.

Pas sa kohësh e mori veten?
As nuk e njoh fare se kush është, mund të ketë abuzuar edhe me vajza të tjera. E ka marrë veten pas 10 ditësh, shkonte edhe në shkollë.

Pse nuk hapet me ju Ermira?
Po unë kërkoja shumë prej saj, i ka thënë të ecësh përpara të bëhesh dikush për vete.