web counter
LEXO PA REKLAMA!

SHKARKO APP

App Store
Google Play

Fond shpëtimi për bankat/ Ahmetaj: Paratë vijnë nga vetë bankat

6 Dhjetor 2016, 19:37, Aktualitet CNA

Situata finaciare e bankave në vend është stabël dhe pa probleme. Projekligji i Bankës së Shqipërisë për krijimin e fondit të posaçëm për shpëtimin e bankave në rrezik falimentimi për qeverinë ka si qëllim minimizimin e ndërhyrjes me paratë publike.

?Kriza financiare e shfaqur qartësisht pas vitit 2008, tregoi se kishte një mungesë të konsiderueshëm të instrumenteve të mjaftueshëm për të trajtuar në mënyrë të efektshme bankat, të cilat nuk janë në pozita të shëndosha financiare ose që janë drejt një kolapsi të pritshëm. Gjatë krizës shumë vendeve për t?i shpëtuar bankat nga falimenti përdorën paratë e tatimpaguesve. Ky proces paraqet një ngarkesë monetare të madhe për buxhetet e shteteve dhe një barrë jo të vogël për tatimpaguesit. Një nga qëllimet e këtij pr/ligji është shmangia sa më shumë e veprime të tilla nga shteti dhe sidomos nga buxheti?, deklaroi në mbledhjen e komisionit të ekonomisë, ministri i Financave, Arben Ahmetaj.

Fondi i shpëtimit do të krijohet me kontrbiute të vetë bankave. Edhe opozita është parimisht dakord, por sipas saj në kushtet aktuale, kur bankat nuk rrezikojnë, vëmendja duhet përqendruar tek mbështetja e ekonomisë.

?Jam dakord me ju që sistemi bankar nuk ka rrezik të shtuar, por a është ky momenti për t?i kërkuar kosto ekstra, në një kohë kur presim që sistemi bankar të marrë risqet përsipër dhe që ekonomia të dalë nga gjendja e përgjumur ku ndodhet aktualisht?, u shpreh ish-ministri i Financave, Ridvan Bode.

Fondi i shpëtimit të bankave do të menaxhohet nga Banka e Shiqpërisë dhe do përdoret vetëm kur falimentimi i bankës cënon stabilitetin financiar./ Citynews





Lajmet e fundit nga