web counter
LEXO PA REKLAMA!

SHKARKO APP

App Store
Google Play

Koço Kokëdhima ikën tek LSI?!

21 Nëntor 2016, 14:50, Aktualitet CNA

Ish-deputeti socialist, Koço Kokëdhima, i njohur si miku i ngushtë i Edi Ramës, së fundi ka filluar lëvizjen e tij duke kritikuar Partinë Socialiste dhe lidershipin e saj.

Në qëndrimet e Koço Kokëdhimës, shihet qartë i njëjti mentalitet dhe shumica e argumenteve që ka përdorur këto 3 vite LSI dhe Ilir Meta ndaj Edi Ramës dhe mënyrës si qeveris ai. E vetmja gjë ndryshe në fjalën e Koços është struktura e partisë.

Kokëdhima mund të jetë edhe më ekstremist se Ilir Meta, por askush nuk mund ta mohojë se ai është një instrument që i duhet Metës për ta përdorur kundër Ramës, pas tradhtisë që ky i fundit i bëri mikut të tij në Gjykatën Kushtetuese, duke i hequr mandatin.

Koço Kokëdhima nga njëra anë i vendoset si kusht Edi Ramës nga Ilir Meta, i kërkohet që të jetë në listat e PS-së, në të kundërt do të jetë LSI dhe që do ta vendosë si kandidat.

Paralel me këto pazare të Metës me Ramën, në kohën kur kreu i LSI-së po flirton dhe vazhdon të negociojë fort edhe me Lulzim Bashën, duket se koka e Koço Kokëdhimës është qershia mbi tortë e lojës politike në politikë.

Koço Kokëdhima ka filluar rebelimin e tij për të qenë faktor dhe që të mund të sigurojë vendin në listë për deputet. Në rast se Rama do ta refuzojë mund të jetë Meta i cili do kandidojë Koço Kokëdhimën në listën e tij, duke ditur se ky i fundit mund të bëjë një betejë të fortë kundër Ramës dhe mund të spostojë shumë vota socialistësh drejt LSI-së. Kalimi i Kokëdhimës me LSI-në mund të ndodhë në prag të zgjedhjeve të vitit të ardhshëm dhe Ilir Metës i intereson ish-miku i Ramës, me të cilin negocionte gjatë muajit qershor për rrëzimin e qeverisë. Sot jemi thuajse në të njëjtën kohë, Meta po destabilizon qeverinë dhe një deputete në parlament e ka edhe Koço Kokëdhima. Ajo është Mira Shehu, deputetja socialiste, një as nën mëngë i Koços që e afron akoma më shumë me kreun e LSI-së./Citynews





Lajmet e fundit nga