EKSKLUZIVE FAKTI/ Si gënjen Erion Veliaj për kopshtet dhe çerdhet në Tiranë

21 Nëntor 2016, 12:55, Aktualitet CNA

Në 3 nëntor 2016 kryetari i Bashkisë së Tiranë Erion Veliaj, në një dalje publike, u shpreh se ka përfunduar rikonstruksioni në të gjitha kopshtet e kryeqytetit.

Sipas kryebashkiakut, në 23 kopshtet e Tiranës është punuar për të krijuar hapësira të reja, janë rinovuar ambientet e gjumit, të mësimit, kuzhina si dhe janë ngritur kënde lojërash në oborret e këtyre institucioneve arsimore. Video Veliaj për përfundimin e kopshteve dhe çerdheve (https://www.youtube.com/watch?v=YA5NkAEdv2E)

Por në terren e vërteta është krejtësisht ndryshe.

Citynews sjell foto të kopshtit nr.18 në Tiranë, i cili vazhdon të jetë në rikonstruksion e sipër edhe pse kanë kaluar 18 ditë nga deklarata e Veliajt.

Fëmijët e këtij kopshti janë dërguar tek kopshti nr.41, mbrapa Ambasadës Amerikane, ku janë krijuar grupe me rreth 65 femijë në një dhomë, situatë kaotike që vështirëson punën e edukatoreve dhe mësimin e fëmijëve.

Përfundimi i kopshteve dhe çerdheve është një gënjeshtër e rradhës e kryetarit të Bashkisë Erion Veliaj, i cili pretendon se ato kanë përfunduar por në fakt e vërteta është krejt ndryshe.

Sipas tabelës të punimeve, vendosur pranë kopshtit, punimet duhet të zgjasin 8 muaj kalendarik, por pa përcaktuar se kur nisin dhe kur përfundojnë ato. Mbyllja e kopshtit nr.18 është bërë në fundin e vitit 2015. Ai kopsht nuk u hap në atë kohë për fëmijët, ndërkohë ish kryebashkiaku Lulzim Bash veliaj1 a, gjatë mbylljes së mandatit, në një dalje publike, theksoi se ky objekt ishte në procedurë tenderimi për tu rikonstruktuar. Në muajin dhjetor të vitit të shkuar, pranë kopshtit, u vendos edhe tabela që shihni në fotot e mëposhtme, ndërkohë punimet nuk filluan.

Nisja e tyre është bërë e mundur vetëm në muajin qershor të këtij viti. Kryebashkiaku Veliaj tha publikisht se rikonstruksionet e kopshteve kishin përfunduar dhe ato ishin hapur për fëmijët, por në asnjë rast nuk tha se në kopshtin nr.18 ishin bllokuar punimet për shumë e shumë muaj dhe to kishin nisur me vonesë, kjo për shkak të tij dhe bashkisë që ai drejton. Sot fëmijët që duhet të mësonin në këtë kopsht kanë shkuar diku tjetër, ose te privati, sepse Veliaj vonoi punimet dhe ende nuk ka marrë asnjë masë për përfundimin e shpejtë të tyre.

Më poshtë keni të plota fotot, të cilat tregojnë se kopshti nr.18 nuk ka përfunduar. Një fakt qlë zbulon gënjeshtrën e rradhës të kryebashkiakut të Tiranës.

Krahasoni fotot me videon e mësipërme për të kuptuar si gënjen publikisht kryetari i Bashkisë së Tiranës. /Citynews