Beteja për PS/ Veliaj-Tahiri, sorosianet kundër socialistëve

21 Nëntor 2016, 19:03, Aktualitet CNA

Në PS ka filluar beteja për trashëgimtarin e Edi Ramës dhe më shumë se të gjithë ketë e shohin socialistët e bazës.

Erion Veliaj, është kryebashkiaku socialist i Tiranës, i ardhur nga G99, më parë nga ?Mjaft?. Njeriu i Soros në PS, një vegël që i vetëm nuk mblodhi dot një grusht vota në vitin 2009 me G99, shkoi tek Rama pasi u investua së bashku me Berishën për të rrëzuar socialistët nga pushteti në vitin 2005.

Veliaj dhe ?Mjaft?, ishin ata që protestonin kundër socialistëve në pushtet. Sulmonin dhe denonconin, akuzonin dhe luftonin socialistët, shpesh herë të financuar dhe mbështetur nga Sali Berisha, i cili përdori njeriun afër Ramës që të sulmonte kundërshtarin e tij politik.

Më pas Veliaj u afrua me socialistët, pasi provoi i vetëm forcën në zgjedhje. Ai dhe stafi që mori nga ?Mjaft? dështuan si forcë politike, por menjëherë u futën në strukturat e PS-së, sekretariate, detyra dhe pushtet. Çunat dhe gocat e ?Mjaft? morën detyra në PS, në atë parti që e kishin ?masakruar? disa vite më parë. Ata po luftonin ta sillnin PS-në në pushtet, pasi kishin zënë karriget drejtuese. Veliaj deputet e ministër, tani në Bashkinë e Tiranës, jo më votat e ?Mjaft? që luftoi PS-në por me votat e socialistëve që i rrëzoi dikur nga pushteti. Pas tij janë me dhjetra. Kujtojmë Elisa Spiropalin tek doganat, Maznikun tek Arsimi, sot nënkryetar bashkie etj etj etj…………… Në radhë janë dhjetra ata që ?masakruan? socialistët, i çuan në opozitë, ju morën drejtimin e partisë dhe sot në pushtet, hanë ?tortën? që ndërtohet me votën e tyre. Ndërsa socialistët e vërtetë qëndrojnë e shohin si Veliaj dhe çeta e tij në PS majmet me pasuri dhe ?zhgërryhet? në media duke u shpallur si trashëgimtarë të kësaj partie pas Ramës.

I vetmi që qëndron përballë tij është Saimir Tahiri, ministri i Brendshëm që është një socialist race, që duket larg veglave të Soros dhe atyre që rrezuan dje PS-në nga pushteti.
Tahiri, ndoshta është ministri më i sulmuar në media, ndërsa Veliaj duket thjesht në spektakël e ?show? televiziv. Mediat që reklamojnë Veliajn sulmojnë punën e ministrit të Brendshëm, thua se ky nuk është i PS-së por një ministër i Bashës në qeveri.

Faktet janë të shumta që Veliaj sulmon ministrin që është i besuari kryesor i Ramës, dhe këtë Veliaj s?mund ta pranojë. Ai po bën çdo gjë që partinë nesër ta trashëgojë ai dhe sekti i tij që luftoi kundër socialistëve. Veliaj lufton me tendera, parkingje, lule, puthet me fëmijët e kopshteve dhe shkollave, ndërsa Tahiri duhet të merret me krimin. Dy detyra shumë të ndryshme. Veliaj veliaj berisha kërkon partinë me tendera e vrasje fëmijësh në Sharrë, bën gjithçka për mbështetjen e shefit të tij Rama se gjoja po punon në Tiranë, por në fakt s?po bën gjë tjetër po vazhdon ato që Edi la dje. Thjesht është një drejtor i përgjithshëm në bashki.

Tahiri politikisht është më i rrezikuari. Ai ka përballë beteja të forta që fillojnë nga krimi dhe përfundojnë tek sulmet e Veliajt dhe medias të tij. ?Lufta? për trashëgiminë e PS-së sapo ka filluar të shfaqet.

Njeriu që masakroi socialistët në garë kundër një socialisti race. Gara është në hapat e saj të para dhe pritet të kemi ?show? e spektakël pa fund nga Veliaj, intriga e sulme ndaj Tahirit dhe policisë. Ky i fundit ende s?ka filluar të përgjigjet. Mediat janë në kontrollin e Veliajt dhe njeriut të tij në krah të Ramës. Askush nuk mund të thotë që edhe Endri Fuga nuk është pjesë e një loje dhe skpektaklit politik brenda PS-së, lufta për të cilën po kthehet në betejë midis sorosianëve dhe socialistëve./Citynews