web counter
LEXO PA REKLAMA!

SHKARKO APP

App Store
Google Play

Videot e Ramës nga suita luksoze e New York-ut, nuk i fshehin dështimet në shëndetësi

12 Nëntor 2016, 10:58, Aktualitet CNA

Deputetja e Partisë Demokratike, Albana Vokshi, akuzoi kryeministrin Edi Rama se nga suita e tij shumë luksoze në New York, ?ai po bën propagandë për dështimin e tij më të madh, “shëndetësinë falas”. Sipas saj Asnjë sajesë nuk fsheh dot humbjen e jetës së 6 pacientëve me HIV/AIDS për mungesë barnash.

Përmes një deklarate për shtyp,Vokshi nënvizoi se shëndetësia u ka kushtuar shumë shqiptarëve këto 3 vite, ndërkohë që u bë biznesi më fitimprurës për Ramën-Beqën e klientët e tyre.

 ?Nga NewYorku, turisti Edi Rama na foli për ato që ai i quan “arritje në shëndetësi”.

Foli nga New Yorku ku ka hapur ekspozitë të skicave të tij me paratë e Vilma Nushit, me paratë e shëndetit të shqiptarëve.

Nga suita e tij shumë luksoze , shumë e shtrenjtë në New York, ?i papërgjegjshmi? kryeministër, bën propagandë për dështimin e tij më të madh, “shëndetësinë falas” ndërkohë që tërë vendi është i përmbytur dhe mijëra familje, burra, gra e fëmijë i ka lënë në mëshirë të fatit.

Asnjë video, nuk e fsheh të vërtetën e shëndetësisë në vend. Asnjë sajesë nuk fsheh dot humbjen e jetës së 6 pacientëve me HIV/AIDS për mungesë barnash. Asnjë postim nuk fsheh dot vuajtjen e pacientëve me kancer apo dhimbjen e familjarëve të tyre që i ka lënë pa kurim apo ?ata mijëra të tjerë që enden vuajtshëm spitaleve që i ka lënë si në gjendje lufte.

Rama ndau me klientët e tij mbi 320 milionë euro për koncesionet në shëndetësi, ndërkohë që spitalet janë në ditën më të keqe, nuk ka ilaçe, nuk kanë shtretër, mungojnë mjetet bazike.

Shëndetësia u ka kushtuar shumë shqiptarëve këto 3 vite, ndërkohë që u bë biznesi më fitimprurës për Ramën-Beqën e klientët e tyre.

E më shumë do t’u kushtojë, pasi koncesione të tjera klienteliste në shëndetësi ka planifikuar Rama në buxhetin 2017?

Ditë më të zeza do vijnë për shëndetësinë.”, tha ajo





Lajmet e fundit nga