E fundit!

12:08 Aktualitet

Protestat/ Rama: Askush nuk mund ta ndalë rrugën e Shqipërisë drejt BE-së

Kryeministri Edi Rama në një intervistë të dhënë për gazet...

Skandali seksual/ Gjyqtari Boçi: Politika qëndron nga pas. Gruaja më kërkon divorcin

29 Tetor 2016, 06:33, Aktualitet CNA

Ish-kryetari i Gjykatës së Rrethit Gjirokastr, Guximtar Boçi, rrëfehet në një intervistë për median në lidhje me skandalin seksual të publikuar nga ?Stop? ku ai dëgjohej se i kërkonte favore seksuale një gruaje në këmbim të ndikimit në një çështje.

Duke folur për gazetën ?Panorama?, Boçi shprehet se audio është e manipuluar dhe se ai nuk i ka kërkuar favore seksuale gruas në fjalë. Gjithashtu, gjyqtari i pezulluar nga KLD, thekson se lajmi erdhi në ditën kur ai celebronte martesën e vajzës së tij, ndërsa pas publikimit të skandalit, Boçi shprehet se gruaja e tij do ti kërkojë divorcin.

Më poshtë intervista me Guximtar Boçin

Z.Boçi, e keni ndjekur audion që u shfaq në emisionin investigativ?

E kam ndjekur më vonë pasi është shfaqur, sepse kisha një gëzim familjar. Unë të enjten, në orët e pasdites, kisha çeljen e ceremonisë së dasmës së vajzës sime të madhe, Çeljetës, e cila martohet këtë të shtunë. Por sinjalet e shfaqjes së një materiali të tillë i mora kur po i gëzohesha festës së kolektivit të Gjykatës së Faktit apo dhe të Apelit dhe kolegëve të mi në Prokurorinë e Gjirokastrës. Pra, kisha ftuar të gjithë kolektivin në një darkë për nder të martesës së gocës sime të madhe. Imagjino, që këtu nis keqdashësia ndaj meje nga persona, interesi i të cilëve është shkatërrimi im familjar, profesional dhe moral.

E vërteta është se puthja që i kam dhënë ka qenë rutinë, si një puthje në faqe me dikë që takohesh dhe përshëndetesh kur largohesh me një miq, shoqe apo çdokush që e etiketon sit ë tillë. Unë këtë zonjë nuk e kisha as të afërt dhe asgjë, por thjesht i afrova një veprim që ajo e ka instrumentalizuar më vonë për qëllime dashakeqe.

Nuk e kam kërkuan unë, por ajo më ka gjetur në klub dhe është ulur pa e ftuar njeri dhe ka çelur biseda që unë nuk kam qenë kompetent për t?i zgjidhur.

A I keni kërkuar jo zonjës që të kishit raport të afërt?

Absolutisht jo. Është një trillim i pastër që shumë shpejt do të dalë një flluskë sapuni. E para sepse ka qenë inçizim audio dhe jo video. Pra, tendenca për të manipuluar audion sot është mjaft e sofistikuar me avancimin e teknologjisë.

Ka qenë një bombë për ne. Unë kam një grua të mrekullueshme dhe dy vajza, njëra prej të cilave vë vellon ditën e shtunë. Ka qenë i pabesueshëm ky fakt. Familja ime është tronditur deri në palcë me këtë përdorim të turpshëm të një audio-regjistrimi që përdoret si trofe nga zonja për të më baltosur mua dhe gjithçka që unë kam ngritur në jetën time.

Goditja ime erdhi pikërisht në ditën kur 3 vjet më parë unë jam zgjedhur në krye të Gjykatës së Gjirokastrës, pikërisht në ditën kur vajza ime doli nuse nga shtëpia si ditë e enjte. Dhe këto veprime të bëjnë të mendosh se janë rastësore? Jo kurrë! Unë nuk mendoj se janë tërësore, por janë tërësisht të qëllimta. Nëse zonja kishte diçka konkrete, përse nuk e dorëzoi momentet e para por priti një vit e gjysmë? Po pse pikërisht tani? Ka persona të tjerë që u duhet koka ime dhe gjetën këtë çështje për të fundosur. Kam menduar se pas kësaj pjese qëndron një pjesë e politikës shqiptare ajo pjesë që mua më ka votuar kundër në KLD.

Do të pres me qetësi të gjitha veprimet që do të ndërmerren, madje me dhimbje edhe divorcing që më prêt në fillim të javës nga bashkëshortja ime. Mua m?u shkatërrau familja në një moment gëzimi, siç ëshstë dasma e vajzës sime. Dikush do të japë llogari dhe unë pres që llogaridhënia të jepet sa më shpejt.