E fundit!

12:08 Aktualitet

Protestat/ Rama: Askush nuk mund ta ndalë rrugën e Shqipërisë drejt BE-së

Kryeministri Edi Rama në një intervistë të dhënë për gazet...

Fiks Fare/ Fabrika e ricikilimit të baterive rrezikon jetët e banorëve (Video)

28 Tetor 2016, 19:12, Aktualitet CNA

Në redaksinë e Fiks Fare ka shkuar një ankesë nga banorët e lagjes 14 Shkozet, Durrës, të cilët ankohen prej vitesh për ndotjen mjedisore që u sjell një fabrike e cila riciklon bateri makinash. Nisur nga ky fakt gazetarët e Fiks Fare u drejtuan drejt Shkozetit ku sipas banorëve, furrat e kësaj fabrike gjatë shkrirjes së mbetjeve të baterive shkaktojnë një dotje të lartë, shumë të rrezikshme për shëndetin e tyre. Ata gjithashtu pohojnë para kameras së Fiks Fare se ky subjekt punon më së shumti natën dhe të shtunë e të dielë, ku dhe institucionet shtetërore janë pushim. Gazetarët mësuan se kjo fabrikë është në pronësi të subjektit ?Somet? Sh.p.k me administrator Aldo Gaeta. Në bazë të dokumentacioneve të paraqitura nga subjekti Somet Sh.p.k pranë ISHMT, Durrës, parametrat mjedisor të ndotjes janë brenda kufinjve të lejuar. Këtë dokument e ka lëshuar një studio e ngarkuar nga vetë subjekti Eko-Studio-Projekt, pasi këto matje bëhën me vetmonitorim në bazë të rregullave.

Në filmimet që bënë gazetarët e Fiksit shihen qartë punonjës që punojnë pa veshjet e duhura të punës edhe pse kanë të bejnë me helme. Por në Drejtorinë e Mjedisit në bashkinë Durrës, kryeinspektori i mjedisit shprehet se në bazë të dokumentacionit që ky subjekt ka paraqitur me ekspertizën e cila vjen nga një studio e licensuar nga shteti, nuk mund të mërret asnjë masë. Por kryeinspektori shprehet se pas ankesave të banorëve do të bejnë sërisht kontrolle në këtë subjekt. Kështu më datë 26.10.2016 Drejtoria Rajonale e Mjedisit Durrës sëbashku me Inspektoriatin Shtetëror të Mjedisit dhe Pyjeve ushtruan një kontroll mbi subjektin jnë fjalë. Siç pohon edhe Kontjana Kuçi, drejtoresha e DRM-së, Durrës nga kontrolli rezultoi se subjekti ?Somet? Sh.p.k ka aplikuar për rishikim të kushteve të lejes ekzistuese, aplikim i cili eshte refuzuar ne QKB. Duke parë fakti se subjekti në fjalë në vazhdim nuk ka marrë asnjë masë për riaplikim, përfaqësuesit e ISHMP Durrës urdhëruan pezullimin e menjëhershëm të aktivitetit të subjektit ?Somet? Sh.p.k deri në pajisjen sipas ligjeve në fuqi me Leje mjedisi të tipit B.