E fundit!

14:59 Aktualitet

VIDEO- Dalin pamjet, si efektivi shpëtoi 24 vjeçaren që u mor peng në Fier

Një ngjarje e rëndë në Fier një ditë më parë tronditi opin...

Genc Pollo "luftë" medias dhe shërbim Ramës

21 Tetor 2016, 14:43, Aktualitet CNA

Zbulohet kush është personi që për të nxitur një sulm ndaj deputetes demokrate Majlinda Bregu ka rikthyer në vëmendje Pr/Ligjin për mediat online.

Burime për Citynews nga parlamenti kanë thënë se, është Fatmir Xhafa si kryetar i komisionit tw ligjeve dhe Genc Pollo, kryetar i Komisonit të medias, janë njerëzit që kanë rikthyer në vëmëndje projektligjin për rishqyrtim.
Ky projektligj ka mbetur pezull për më shumë se 1 vit e 6 muaj sepse Gjykata e Starsburgut kishte në shqyrtim një cështje të ngjashme dhe Bregu pas daljes dhe hyrjes në fuqi të këtij vendimi tha se tashmë pjesa thelbësore ishte ezauruar.
Pas komisionit të ligjeve është deputeti Genc Pollo që ka rikthyer në vëmëndje këtë projektligj, për dy arsye, së pari nxit sulme ndaj deputetes Bregu nga mediat sociale dhe nga ana tjetër ushtron presion mbi mediat online në bashkëpunim me PS-në, duke i bërë kështu edhe një shwrbim kryeministrit Rama dhe kryebashkiakut Veliaj që ka komplekse të forta në marrëdhënie me median e lirë.
Pra, njeriu që po rikthen në parlament një ?ligj të vdekur? është Genc Pollo, i cili po e përdor këtë për interesat e tij politike, pse jo edhe të Ramës, Metës dhe Bashës. Ai po ngjall një ?ligj të vdekur? për të luftuar mediat.
Se kush është njeriu që po rikthen projektligjin në parlament, cilat janë ndyrësitë e tij politike, Citynews i ka sjellë herë pas here.
Genc Pollo, kryetar i Komisionit të Medias, është një njeri i urryer brenda PD-së dhe shumë i kontestuar, ai si ministër është i përfolur për afera korruptive. Pikërisht ky është njeriu që nga opozita ngrihet kundër fjalës së lirë dhe duke u maskuar nga frika se fytyra e tij do të ishte pre e sulmeve.
Pollo del zbuluar si armik i fjalës së lirë pasi ky projektligj rikthehet në parlament në një kohë kur sulmohet faqja Lolita, mbyllet Hashtag dhe ngrihet padi ndaj Citynews.
Sulmet ndaj medias dhe fjalës së lirë nisin me Erion Veliajn, për të vazhduar me Edi Ramën dhe shkojnë deri te Genc Pollo dhe Lulzim Basha pasi nuk kanë asnjë ndryshim nga njëri-tjetri.
Ai rikthen një ?ligj të vdekur? por ?njeriu i vdekur? politikisht mund të jetë vetë Pollo dhe intriga e tij me socialistët. Mediat online nuk i censuron dot në vitin 2016 jo Genc Pollo, jo Fatmir Xhafa, jo Rama, jo Meta, jo Basha, por askush, edhe sikur të jenë të gjithë bashkë. Sa më shumw presion të ushtrojnë aq më e fortë do të jetë goditja që mediat do tju rikthejnë për sulmet, presionet dhe shantazhet e tyre. /Citynews