Klosi: Ka kërkesë të madhe për arsimin professional/ 200 regjistrime që ditën e parë

1 Shtator 2016, 12:55, Aktualitet CNA

Ministri i Mirëqenies Sociale dhe Rinisë Blendi Klosi inaguroi në Elbasan, shkollën profesionale ?Ali Myftiu?, një investim prej 600 mijë eurosh. Klosi tha se ka ndërgjegjësim të nxënësve dhe prindërve për arsimin profesional.

Ministri Klosi bëri këtë vizitë në ditën e parë të hapjes së regjistrimeve, ku vetëm gjatë orëve të paradites numri i nxënësve të regjistruar kaloi numrin 200.

“Kjo tregon se ia kemi dalë të tërheqim vëmendjen tek Arsimi Profesional dhe ka një ndërgjegjësim të nxënësve dhe prindërve se kualifikimi profesional siguron punësimin. Sot, në shkollën Ali Myftiu, vetëm ditën e parë të regjistrimit, janë regjistruar mbi 200 nxënës duke e krahasuar vitin e kaluar që u regjistruan në total 300 nxënës. Mund të themi që me këto hapa, do të arrijmë objektivin tonë në dyfishimin e regjistrimeve të nxënësve që zgjedhin Arsimin Profesional. Të gjithë ne, gjithashtu drejtuesit më të lartë të shkollave, përfaqësues të Bashkive, të Bashkisë Elbasan në këtë rast, por edhe më gjërë si në të gjithë rrethin e Elbasanit dhe në të gjithë territorin e vendit, po ndjejmë një kërkesë shumë të madhe për të zgjedhur Arsimin Profesional?, tha Klosi në fjalën e tij.

?Ndihemi shumë mirë sepse atë punë të palodhur që bëmë gjatë të gjithë vitit të kaluar, për sensibilizim, me drejtuesit e shkollave në të gjithë Shqipërinë, shumë partnerë të Arsimit dhe Formimit Profesional dhe me komunitetin e biznesit po ashtu, po I ndjejmë frytet që ditën e pare të hapjes së regjistrimeve?, tha Klosi.

?Kemi një investim prej 600 mijë euro nga buxheti I shtetit për rehabilitimin e kësaj shkolle dhe bazës së saj prodhuese, por kemi edhe projekte nga Komiteti Evropian, të cilët do të transformojnë qëndrën e formimit profesional pranë shkollës ?Ali Myftiu?,në një nga qendrat e Arsimit dhe Formimit Profesional më të mira në rajon. Jemi besimplotë se oferta që i kemi bërë qytetarëve shqiptarë për zgjedhjen e Arsimit Profesional dhe brezit të ri për më shumë edukim profesional, është ofertë që në bazë të saj ka nevojën dhe dëshirën e qytetarëve shqiptarë për një jetë më të mirë. Ne mendojmë se duhet të vazhdojmë me këtë ritëm dhe të mos pretendojmë vetëm numra por edhe cilësi?, theksoi Klosi.

Ministri nënvioi se për herë të parë kemi vënë edhe kriterin e notës, duke qenë se ka shumë kërkesa. ?Ne duam që shkollat tona të Arsimit Profesional të jenë zgjedhjet e para për nxënësit që regjistrohen, në të mirë të profesionit të ardhshëm dhe jetës së denjë.

Do doja shumë të falenderoja Bashkinë e Elbasanit, e cila ka ndihmuar të gjithë fushatën tonë të sensibilizimit dhe e ftoj të vazhdojmë edhe përgjatë këtij muaji, në mënyrë që të arrijmë një rezultat spektakolar në regjistrimin e nxënësve në Arsim Profesional?, nënvizoi Klosi.

Klosi u zotua se do të punohet që edhe në buxhetin e shtetit për vitin e ri, të shtohet ai për arsimin dhe formimin profesional. /Citynews.al