web counter
LEXO PA REKLAMA!

SHKARKO APP

App Store
Google Play

Revokohen 138 leje minerare, dëmi miliona dollarë

31 Gusht 2016, 09:45, Aktualitet CNA

Do të nisë revokimi i lejeve minerare për 138 subjekte private, për shkelje ligjore. Ministria e Energjitikës ka publikuar shkresën që u ka dërguar këtyre subjekteve private, ku bëhet njoftimi I tyre. Shkaku i kësaj  janë detyrimet e papaguara ndaj shtetit, apo lejet që nuk po funksionojnë më për shkak të skadimit të afatit të vlefshmërisë, apo funksionimit pjesërisht pa paguar asnjë lloj detyrimi. Këto leje kanë detyrime përsa i përket garancive për mjedisin, për rehabilitimin, detyrime financiare për rentën, si dhe detyrime të tjera financiare që janë përcaktuar në lejen minerare. Lejet problematike janë dhënë gjatë dy dekadave të fundit dhe i përkasin periudhës nga viti 1995-2014.

Lejet minerare ër të cilat bëhet fjalë kanë të bëjnë me leje shfrytëzimi kromi kryesisht në qarqet Kukës dhe Dibër, leje shfrytëzimi të gurëve gëlqerorë në qarkun e Vlorës, leje shfrytëzimi për bazaltë në Mirditë, leje minerare shfrytëzimi për ranore pllakose në Vlorë, leje minerare shfrytëzimi për ranor pllakor në Skrapar, leje minerare shfrytëzimi për hekur-nikel në Pogradec, leje minerare shfrytëzimi për gëlqeror-pllakor në Tepelenë, leje shfrytëzimi për gurë gëlqerorë në Elbasan, leje shfrytëzimi për kromin në Elbasan, leje shfrytëzimi për minerale ranore silicore në Elbasan, leje shfrytëzimi për gurë dekorativë në Berat, leje shfrytëzimi për mineral bakri në Mirditë etj.

Dëmi i shkaktuar ndaj shtetit nga këto subjekte llogaritet në miliona dollarë. Kontrolli ka nisur që në 2013 dhe deri tani dhjetra leje janë revokuar. /Citynews.al





Lajmet e fundit nga