web counter
LEXO PA REKLAMA!

SHKARKO APP

App Store
Google Play

E fundit!

x

Serbia kërkon destabilitet në Kosovë, përgjegjësia e politikës

30 Gusht 2016, 06:46, Aktualitet CNA

Njohësi i çështjeve të sigurisë, Florian Qehaja, në Interaktiv të KTV-së, tha se ka qarqe që synojnë destabilizimin në Kosovë dhe për këtë përgjegjësia është e politikës kosovare. Ai foli edhe për bombat e hedhura nëpër institucione shtetërore, në objektin e RTK-së e në shtëpinë e drejtorit të RTK-së, ku tha se në këto raste duhen bërë kategorizime.

?Konsideroj se janë tri lloj qarqe që dëshirojnë të kontribuojnë në destabilizimin e vendit, e në mesin e tyre është edhe Serbia. Qëllimi i të gjitha këtyre qarqeve është destabilizimi, e si rrjedhojë, të dobësohet një shtet i brishtë si Kosova. Përgjegjësia duhet hedhur politikës, si në pozitë, ashtu edhe në opozitë, të cilët kanë ardhur në një stad ku nuk kursejnë mjete për të destabilizuar gjendjen?, theksoi Qehaja, raporton Koha.net.

Ai thotë se ka një tendencë për shfrytëzimin e këtij destabilizimi në vend, por që këto më së shumti u shkojnë për shtati atyre që nuk ia duan të mirën Kosovës.

?Gjuha politike, urrejtja e klima politike e instaluar së voni në Kosovë, po e shfrytëzon këtë situatë për qëllime, të cilat nuk dua të paragjykoj se cilat janë?, theksoi ai.

Sipas tij, kësaj gjendjeje duhet kundërvënë me mjete paqësore, me protesta paqësore. /Citynews.al

 





Lajmet e fundit nga