web counter
LEXO PA REKLAMA!

SHKARKO APP

App Store
Google Play

E fundit!

x

Dijar Xhema tentoi të rrëmbente edhe një vajzë në Vlorë/Prokuroria zbardh ngjarjen që terrorizoi qytetin nën thirrjet "Allahu Akbar"

20 Gusht 2016, 10:15, Aktualitet CNA

Prokuroria e Krimeve të Rënda ka zbardhur dinamikën e ngjarjeve të ndodhura më 16 Gusht në Vlorë ku një i ri nga Kosova ka terrorizuar qytetin, duke tentuar rrëmbimin e 3 personave nën thirrjet “Allahu Akbar”.

Krimet e Rënda kërkuan në Gjykatë masën e sigurisë burg pa afat për Dijar Xhemën nga Mitrovica, por avokati mbrojtës i tij, tha se i pandehuri ka një raport mjekësor të lëshuar nga autoritetet në Kosovë.

29 vjeçari tentoi rrëmbimin e 3 personave, mes të cilëve edhe një vajzë, ndërsa i shoqëronte veprimet e tij me thirrjet në vende dhe ambiente publike si ?Allahu Akbar?, ?Jam i dërguari i Allahut?, dhe ?Do ju vras të gjithëve?.

Mbi 29 vjecarin është ngritur akuza ?Veprime me qëllime terroriste?.

Dinamika e ngjarjeve

?Nga veprimet e deritanishme hetimore, rezulton se, i dyshuari udhëtonte në rrugët e qytetit me mjetin e tij, tip Audi A5. Në tre momente të ndryshme, ai ndalonte makinën dhe ka tentuar të marrë me forcë dhe t?i marrë në makinën e tij, 3 persona, dy meshkuj dhe një femër. Nga të dhënat e deritanishme, rezulton se ai shfrytëzonte forcën e tij fizike për të tërhequr me dhunë persona që nuk kishin asnjë njohje dhe asnjë lidhje me personin e dyshuar? informon prokuroria

Vajza, viktime e pare e rrembimit te tij-  Vendet e përzgjedhura prej tij për të tentuar rrëmbimin e personave ishin rastësore. Personi i parë, një vajzë, është tentuar të rrëmbehet në rrugë, pranë një karburanti. Vajza, e tronditur nga veprimet e shpejta dhe të forta të të dyshuarit, ka kërkuar ndihmë, në kohën kur Xhema ka përdorur forcën për ta hipur të dëmtuarën në mjetin e tij. Ndërhyrja e disa personave që gjendeshin në atë moment e penguan agresorin të realizonte qëllimin e tij, i cili u detyrua të largohej vetëm në mjet?  informon prokuroria

Djali e nxorri me zor jashte lokalit-  ?Më tej, i dyshuari ka vijuar udhëtimin në rrugët e qytetit të Vlorës dhe ka ndaluar përballë një lokali, ku gjendej vetëm një djalë, i ulur në një tavolinë. I dyshuari Xhema i ka bërë shenjë që djali të afrohet dhe ky i fundit, duke menduar se mund ta ndihmonte me ndonjë informacion, ka shkuar pranë makinës së agresorit. Ky i fundit ka tentuar ta rrëmbejë me forcë, duke e goditur me grusht në fytyrë. Djali është larguar me shpejtësi, duke hyrë në tualetin e lokalit. Por, edhe aty, Xhema ka shkuar dhe, duke shkatërruar me forcë derën e tualetit, e ka goditur sërish me grusht në fytyrë dhe e ka tërhequr me forcë për ta nxjerrë jashtë lokalit. Sërish, disa persona të rastësishëm kanë ndërhyrë, duke e shmangur sërish qëllimin e agresorit, i cili hipi në mjetin e tij dhe u largua me shpejtësi?informon prokuroria

Tentoi ta nxjerre me force nga xhami i shoferit-  ?Pak minuta më vonë, ai i ka bllokuar rrugën një mjeti tip BMV, në drejtimin e së cilës ka qenë një djalë, i shoqëruar nga një miku i tij. Agresori Xhema, pasi e ka detyruar të dëmtuarit të ndalojë mjetin, ka tentuar ta nxjerrë atë me forcë nga xhami i shoferit. Pas disa tentativave të dështuara, në atë moment kanë ndërhyrë forcat e Policisë, të cilat ishin njoftuar për dy rastet e para dhe ishin vënë në kërkim të mjetit të shtetasit kosovar Dijar Xhema?  informon prokuroria.

Në bazë të veprimeve hetimore të deritanishme, Prokuroria për Krime të Rënda ka krijuar dyshimet se Dijar Xhema ka konsumuar elementët e veprës penale të ?Veprimeve me qëllime terroriste?, në formën e parashikuar nga neni 230, pika ?g? të Kodit Penal, sipas të cilit: Veprat me qëllime terroriste përfshijnë: g) pengmarrjen ose rrëmbimin e personit dhe kanosjen për të vrarë, për të plagosur ose për të vazhduar mbajtjen e tij peng. /citynews/





Lajmet e fundit nga