E fundit!

18:59 Aktualitet

Siguria rrugore në Shqipëri/ Raporti i DASH: Aksidente të shpeshta, problem mosrespektimi i rregullave

Siguria rrugore, sipas raportit të fundit të hartuar nga s...

Skandali/ Logoja e George Soros në Kushtetutën e Shqipërisë

2 Korrik 2016, 07:08, Aktualitet CNA

Botimi i ndryshimeve të reja kushtetuese në kuadër të Reformës në Drejtësi duket të ketë prodhuar një skandal, i cili lidhet kryesisht me miliarderin George Soros. E përditshmja “Sot” raporton se edhe pse brenda në Kushtetutë theksohej se nuk ishte publikim zyrtar, fakti që në një botim që mban mbishkrimin ?Kushtetutë?, ka logon e një shteti tjetër, kjo është në një farë mënyre shkelje e sovranitetit. Por akoma më i tmerrshëm ishte fakti se mes shumë logove që gjendeshin ty, ishte dhe logoja e Fondacionit Soros, duke treguar atë se këtë reformë e ka bërë George Soros.

Edhe pse në korridoret politike e mediatike u kritikua ky veprim i ambasadës, pasi nuk mundet që një shtet tjetër të vendosë stemën e tij mbi Kushtetutën e një shteti tjetër, të gjithë heshtën. Me këtë veprim ambasadori amerikan duket se tejkaloi çdo vijë të kuqe diplomacie, pasi në asnjë vend të botës nuk ka kompetencë një ambasador të imponojë një gjë të tillë, madje dhe të tregojë se këtë Kushtetutë e kanë bërë amerikanët. Vërtet amerikanët kanë ndihmuar si shumë vende të tjera, por Kushtetuta është e shqiptarëve dhe aty duhej vetëm flamuri shqiptar.

Roli i Soros

Fakti se mbi Kushtetutën e re ishte logoja e Soros tregon qartë se gjithçka është bërë me dorë të tij. Një vendim i Kuvendit tregon se fillimisht Soros ka dhënë 500 mijë euro, teksa vendet e tjera kanë asistuar jo për qëllime fitimprurëse. Por fakti se logoja e një shoqate është mbi aktin themelor të shtetit tregon se politika është e kapur nga George Soros, përfshirë dhe ambasadorët. Vendosja e Kushtetutës në tryezën e deputetëve ishte një imponim i fortë i Donald Lu, i cili duke harruar se është diplomat, tregoi se pas tij dhe gjithkujt tjetër fshihet vetë Soros. Nga ana tjetër, ata që kanë bërë reformën janë njerëzit e Soros. Janë rreth 10 ekspertë të reformës që janë pjellë e Soros, duke dëshmuar qartë se kjo reformë është gatuar me duart e tij dhe sipas interesave që ai ka./Sot