E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Grabitja në Rinas/ Prokuroria e Krujës urdhëron 5 arrestime

1 Korrik 2016, 20:31, Aktualitet CNA

Prokuroria e Krujës ka firmosur 5 urdhërarreste lidhur me grabitjen në aeroportin e Rinasit. Mësohet se organi i akuzës ka urdhëruar arrestimin e shtetasve Bledar Bllofshmi dhe Fadil Jonuzaj, agjentë sigurie. Mësohet se urdhërarrest ka edhe për Vangjel Nikollën, drejtor i Shërbimeve Aeroportuale. Prokuroria e Krujës ka urdhëruar arrestimin e Drejtorit operacional në ICTS, Arben Karafili. Mësohet se organi i akuzës ka urdhëruar edhe arrestimin e shtetasit Kujtim Picari, shoqërues i vlerave monetare.

Pritet që Policia e Shtetit të kryejë ekzekutimin e urdhërarresteve të firmosura nga Prokuroria e Krujës.

Njoftimi i Prokurorisë së Krujës:

Prokuroria e Krujës ka urdhëruar ndalimin e disa drejtuesve dhe punonjësve të kompanisë private të sigurisë së aeroportit të Rinasit, në vijim të hetimeve të nisura për vjedhjen e një sasie të konsiderueshme parash në pistën e fluturimeve, ngjarje e ndodhur të Enjten, në datë 30.06.2016.

Prokuroria e Krujës ka nisur menjëherë hetimet mbi ngjarjen dhe në bazë të veprimeve të deritanishme se, drejtues dhe punonjës të kompanisë së sigurimit ?ICTS? dyshohet se kanë shpërdorur detyrën, duke krijuar mundësinë që tre persona të armatosur të realizojnë vjedhjen e parave në mjetin që transportonte vlerat monetare në drejtim të bordit të një avioni.

Prokuroria e Krujës ka krijuar dyshimin e arsyeshëm se personat e ndaluar nuk kanë marrë masat e nevojshme për të siguruar qarkullimin e vlerave monetare në ambjentet e brendshme të aeroportit të Rinasit.

Deri në këtë fazë të hetimit, Prokuroria e Krujës, e cila po heton mbi veprimet e personelit të sigurimit, dyshon se kanë shpërdoruar detyrën dhe ka nxjerrë urdhër ndalimi për shtetasit, si më poshtë:

Urdhërat e ndalimit janë ekzekutuar nga ana e forcave të Policisë mbrëmjen e së Premtes (dt. 01.07.2016). Ndërkohë, hetimi për vjedhjen po kryhet nga ana e Prokurorisë për Krime të Rënda, pasi ka dyshime se vepra penale është konsumuar në kuadër të grupit të strukturuar kriminal.