Ndocaj: Rama, Kryeministri më i rrezikshëm i të gjitha kohërave

13 Qershor 2016, 19:24, Aktualitet CNA

Deputeti Eduart Ndocaj e ka konsideruar Edi Ramën si Kryeministrin më të rrezikshëm të të gjitha kohërave. Përmes një postimi në rrjetet sociale, Ndocaj shkruan se Ramës i pëlqen karrigia por jo puna si shef qeverie.

Ndocaj shton se Rama po e dëmton financiarisht dhe moralisht shtetin shqiptar. “Paradoksi i nje kryeministri qe i pelqen vec karriga e kryeministrit ne kete shtet por jo puna si kryeminister. Po tregon cdo dite se, nga ajo karrige, per interesa te tij dhe klanit qe e rrethon, po e demton financiarisht shtetin shqiptar, po e demton moralisht, po i humb shpresen per te ardhme cdo te riu, po i shkaterron karrieren atyre qe e ndertuan me pune e sakrifica. Sepse cdo gazetar apo televizion qe i kundervihet menyres se tij te te punuarit, sulmohet e denigrohet, sic ndodhi me Becchettin, qe tani do te na kushtoje mbi 1.5 miliard euro dem financiar ndaj qeverise, kjo kapricio e kryeministrit.” shkruan Ndocaj.

Më tej ai thekson se Rama ka kompleks me të vërtetën, ndërsa përmend përjashtimin e Ben Blushit dhe Mimoza Hafizit nga Partia Sociliste. “Apo sic ndodhi me Blushin dhe Mozen qe i perjashtoi nga PS vec se i thane te verteten se ju jeni i pa afte dhe arrogant. Apo sic ndodhi me mua qe me kercenoi me banditet e tij vec se i dola zot Lezhes dhe lezhjaneve. Ky kryeminister, me i paafti i te gjitha koherave por edhe me i rrezikshemi i te gjitha koherave, po e shkaterron vendin sic duan armiqte tane shekullore, greket dhe serbet, duke e shitur ate cope cope, duke i rrenuar kulturen me fjalore rrugaqerore ne kuvend, duke i shkaterruar drejtesine, duke i shkaterruar shendetesine, duke i shkaterruar arsimin, duke i shkaterruar sigurine kombetare, duke shkaterruar dipllomacine me njerez te pa afte dhe te kompromentuar.” thekson Ndocaj.

Në reagimin e tij, deputeti vijon duke artikuluar se Rama është i pari Kryeministër i zgjedhur me vota kriminelësh, tutorësh, trafikantësh dhe vrasësish. “Eshte i pari dhe i vetmi kryeminister qe eshte zgjedhur me votat e rrembyera nga kriminele, drogagjinj, tutore dhe vrases, dhe ndjehet krenar edhe pasi dekriminalizimi i ka rreshtuar te keqinjte ne nje ane dhe ky vazhdon e rrin me ta sikur te ishte nje privilegj e jo nje turp kombetar. Ligji ne drejtesi qe SHBA dhe BE e kerkojne me ngulm i perjashton te gjithe keta bashibozuke, por ky do ishte fundi i nje kryeministri bashibozukesh dhe per kete e tjerr dhe e dredh sa me gjate qe te mundesh per t’i mbajte ne jete me forcen e karriges se krimit tashme. I quajte aksidente te emigrimit nder vite nderrimin e emrave te ketyre qe ti i ke kaq xhan.

Jo zoti kryeminister! Une bashke me 2.5 milion qytetare shqiptare ne europe dhe diaspore s’e kemi nderruar emrin sepse kemi ndjekur ligjet e vendeve perkatese dhe s’kemi trafikuar droge as qenie njerezore, s’kemi vrare njeri dhe s’kemi perdhunuar, s’kemi vjedhur as kemi mashtruar askend atje ku jetojme dhe per kete jemi krenare qe s’jemi si ata bashibozuket e tu qe ke mbushur parlamentin dhe institucionet shteterore me hajduter dhe mashtruesa te pa diplomuar po me diploma dhe doktorratura te blera.” përfundon postimin deputeti Eduart Ndocaj.