web counter
LEXO PA REKLAMA!

SHKARKO APP

App Store
Google Play

E fundit!

x

PD: Pas arrestimit, Rroshi gjen kurajon të kërcënojë për Bashkinë e Kavajës

13 Qershor 2016, 18:42, Aktualitet CNA

Partia Demokratike ka reaguar pas arrestimit të Kryebashkiakut të Kavajës, Elvis Rroshi. Përmes një reagimi zyrtar, selia blu e konsideron Rroshin si zëdhënës të Kryeministrit Edi Rama, ndërsa shton se edhe pas arrestimit Kryebashkiaku gjen kurajën dhe kërcënon.

“I diskredituari Elvis Rroshi, modeli i Edi Ramës për pushtetin lokal, edhe pse pati dhe e ka edhe sot mbrojtjen e pakursyer të shefit të rilindjes, ra në më në fund, sepse dekriminalizimi po funksionon. E megjithatë, ai gjen sërish kurajon të kërcënojë, dhe thotë se nuk e lëshon Bashkinë e Kavajës, sikur ta ketë pronën e tij, sikur ta ketë hambarin personal. Sigurisht, çdokush e di se ato janë fjalët, janë qëndrimet, janë kërcënimet e Edi Ramës, që shprehen përmes zëdhënësit të tij për dekriminalizimin, Elvis Rroshi.” thuhet në deklaratën e selisë blu.

Partia Demokratike deklaron se shpejt Rama dhe Rroshi do ta kuptojnë se po vjen fundi i krimit në politikë. “Por i dënuari në disa vende të Europës, për drogë e përdhunim, përdoruesi i 5 emrave, falsifikuesi i formularit të dekriminalizmit, dhe shefi i tij Edi Rama, shpejt do ta kuptojnë se po vjen fundi i krimit në politikë. Dhe do të përballen me ligjin deri në fund.” thuhet më tej në reagimin e PD-së.

“Rroshi është turpi i Edi Ramës, i Kavajës, i Shqipërisë. Me kandidimin dhe rikandidimin e tij, Rama poshtëroi qytetarët e vendit. Por më në fund, e drejta triumfoi. Dekriminalizimi u vu në jetë, dhe dekriminalizimi është në shërbim të vendit, të çdokujt, të majtë e të djahtë e të paparti, që kërkon të ketë në bashki, në zyrat publike, në krye të vendit, përfaqësues me dinjitet e integritet, dhe jo trafikantë, vrasës, tutorë, përdhunues, të cilët populli nuk i do dhe nuk i deshi për asnjë moment, por që Edi Rama ua imponoi me forcë.” përfundon selia blu.

 





Lajmet e fundit nga