E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Rroshi reagon pas arrestimit: Shtatë pashë nën dhe të më fusin, Berisha nuk e merr Kavajën

13 Qershor 2016, 17:37, Aktualitet CNA

Kryebashkiaku Elvis Rroshi, ka reaguar pasi është arrestuar sot nga Prokuroria e Tiranës. Përmes një postimi në rrjetet sociale, Rroshi ka “kërcënuar” ish-Kryeministrin Sali Berisha se nuk do marrë Kavajën kurrë.

Në reagimin e tij, Rroshi shprehet se do të provojë pafajësinë, ndërsa bën me dije se ka angazhuar avokatë të njohur italianë në mbrojtjen e tij. “E mirepres ballafaqimin me drejtesine e Sali Berishes dhe do te provoj gjithe pafajesine time per kete poshtersi. Kam angazhuar avokate te njohur italiane qe jane skandalizuar me gjithe kete sulm ordineresh ndaj meje. Ata me kane siguruar se kjo eshte dicka e pabesueshme dhe betejen sado e gjate te jete do ta fitojme.” shprehet Rroshi.

Më tej ai thekson se organi i akuzës ka ekzekutuar një arrestim kriminal, pasi sipas tij askush nuk mund të arrestohet për deklarim të rremë pa e provuar se ka qenë i tillë. “Prokuroria nuk ka provuar asgje pervec atyre qe kam deklaruar vete. Me akuzojne per nje fakt qe e kam ekspozuar vete publikisht dhe qe per drejtesine italiane eshte nul.
Me akuzojne per debime ku jam debuar si mijera emigrante te tjere ne tufe po ku nuk kam bere asnje gjyq dhe s’kam marre asnje denim. Le te me akuzojne per cfare te duan tjeter. Ky arrestim eshte kriminal sepse nuk mund te arrestosh njeriun per deklarim te rreme pa e provuar qe ka qene i tille.” thotë Rroshi.

Kryebashkiaku i Kavajës shton se ka lindur per t’i mbijetuar cdo padrejtesie. “S’ka problem une jam mesuar me padrejtesira dhe kam lindur per t’i mbijetuar cdo padrejtesie.
E sigurte eshte qe Kavajen Sali Berisha nuk ka per ta marre me edhe sikur shtate pashe nen dhe te me fusin mashat e tij.

Ketu do jemi!” përfundon reagimi i Elvis Rroshit.

gjykata ka caktuar masën e sigurisë ?Arrest në burg? për kryetarin e Bashkisë së Kavajës i dyshuar për konsumimin e veprës penale ?Falsifikimi i vulave, stampave dhe formularëve?, në plotësimin e formularit të ?Dekriminalizimit?, parashikuar nga neni 190/1 i Kodit Penal.