E fundit!

12:56 Aktualitet

VIDEO/ Rama i kritikon, kryebashkiakët ia plasin të qeshurës

Kryeministri Edi Rama ka kritikuar ditën e sotme gjatë zhv...

Altin Goxhaj kundër BIRN: Ku i kanë çuar fondet e donatorëve ?

7 Maj 2016, 15:10, Aktualitet CNA

Avokati Altin Goxhaj, i cili njihet si një aktivist i shoqërisë civile dhe kundërshtar i fortë i Xhorxh SORORS dhe skemave dhe shoqatave të financuara prej tij në Shqipëri ka hedhur akuza të forta për mediat që financohen nga ky filantrop. Gjatë një interviste për gazetën ?Standart? Goxhaj thotë se BIRN Albania është një degë e SOROS-it, e cila nuk ka bërë transparencën e qindra milionë lekëve që ka marrë nga donatorët në emër të gazetarëve.

Goxhaj shprehet se BIRN Albania është një ndër rastet më tipike se ku ndodhet media sot por edhe se si funksionon kontrolli oligarkik. Sipas tij, ajo u regjistrua në Shqipëri në gjykatë si OJF e pavarur, pavarësisht se ishte një degëzim në kuadër të Balkan Investigative Regional Network ? BIRN (për llogari të medias online BalkanInsight). ? Prej vitesh BIRN Albania kishte funksionuar si një krijesë e Instituti të Medias që është Spinoff i Soros që drejtohet nga Kryetari i Fondacionit Soros Remzi Lani. Por këtu në Shqipëri Soros e ktheu në një spinoff të vetin duke i caktuar edhe drejtoreshën, një zyrtare të Fondacionit Soros Kristina Voko.

Gjatë intervistës avokati Goxhaj ka sulmuar edhe gazetarin e BIRN, Gjergj Erebara, për të cilin tha se është një eksponent i lëvizjes sorosiste ?Mjaft? dhe një aktivist i njohur për qëndrimet kundër Izraelit.

?Gjergj Erebara i njohur si një ndër eksponentët pasVeliaj të Lëvizjes sorosiste MJAFT dhe aktivist i grupit komunist Organizata Politike është i njohur për aksionet e tij politike kundër marëdhënieve të Shqipërisë me Izraelin. Shfaqjet e tij protestuese përballë Kryeministrisë në 2012 ku ai me shall militantësh palestinez bashkë me Leart Kolën, Andi Kananajn, Arlind Qorin etj protestonte dhe mbante konferenca mediatike kundër vizitës së Ministrit të Jashtëm Izraelit dhe i kërkonte kryeminsitrit të asaj kohe Berisha të mos ndikohej nga fuqia e Izraelit por të votonte kundër Izraelit dhe pro Palestinës në OKB. Këtë shoë mediat e Soros e amplifikuan shumë fort dhe kjo solli një karrierë të menjëhershme të Gjergjit edhe si aktivist dhe si gazetar i afërt me qarqet e Soros në Tiranë. Sot mund të themi se BIRN Albania ka fytyrën e ideve dhe mendimeve të Gjergji Erebarës dhe kjo media po luan një rol full time si kamzhik i Soros për brenda dhe si valvul bllokuese dhe filtruese e lajmit nga brenda jashtë Shqipërisë.? tha Goxhaj

Më tej ai vazhdon duke u shprehur se: ?BIRN Albania sot ka thith qindra mijë euro për një zyrë të vogël me disa vetë dhe këto para po përdoren për të paguar gazetarë që të prodhojnë ato lajme që kërkon vendimarrja sorosiane e Tiranës dhe jashtë Tiranës. Është një instrument i cili shpik lajme dhe godet personazhe të caktuara në politikën apo shoqërinë shqiptare thjesht për llogari të interesave të punëdhënësit duke përdorur emrin ndërkombëtar pas të cilit fshihet dhe logot e donatorëve ndërkombëtarë që nën rekomandimet e fuqishme dhe imazhit artificial të krijuar nga rrjeti sorosian i Tiranës (dhe sidomos Instituti i Medias i drejtuar nga Kryetari i Soros Remzi Lani) janë kthyer në një vrimë të zezë të gjithë fondeve që ndërkombëtarët hedhin në Shqipëri për të forcuar median e lirë.?

Duke sjellë ndërmend rastin e Gjergj Bojaxhi, Goxhaj theksoi se Birn është kthyer nga një urë ku duhet të kalojë lajmi në një doganë dhe fabrikë lajmesh.

?Ajo nga një urë ku duhet të kalojë lajmi është kthyer në një doganë lajmesh madje në një fabrikë të prodhimit të lajmeve. Rasti më i fundit është angazhimi i gjithë rrjetit investigativ të Ballkanit për tu marrë më cdo lajm që ka të bëjë me ofshoret dhe zyra e Tiranës fsheh prej disa ditësh përfshirjen e Gjergj Bojaxhiut në transaksione financiare me ofshoret e Panamasë. (Gjergj Bojaxhi është konsideruar politikisht si një diversion i Soros për të mos lejuar rrjedhjen e votave nga e majta në favour të kandidatit Halim Kosova dhe BIRN luajti një rol të veçantë në promovimin e figurës së tij në fushatën e 2015).?, tha Goxhaj

Duke vazhduar komentin e tij Goxhaj thekson se ?BIRN funksionon si një bandë mercenarësh të Sorosit me një mungesë të thellë profesionalizmi që nga një anë ka shterur mundësitë financiare për gazetarët apo grupet e gazetarëve jashtë tutelës sorosiane, që kanë pasion profesionin dhe investigimin, dhe nga ana tjetër përdoret për llogari të Oligarkisë Sorosiane për të sulmuar targetët e porositur, dhe po ashtu deformon, shpik apo bllokon (sipas udhëzimeve) lajmet nga brenda për jashtë Shqipërisë. E fundit do të shtoja, se BIRN Albania që bën si dashnor i transparencës së fondeve publike, ende s?ka bërë transparencën financiare se sa qindra mijë euro (në mos ka arritur milionin e eurove) u ka marrë donatorëve në emër të gazetarëve shqiptarë dhe si i ka shpërndarë ato?, shprehet ai.