web counter
LEXO PA REKLAMA!

SHKARKO APP

App Store
Google Play

Shisnin hashash afër gjimnazit/ Dy të arrestuar në Korçë

5 Maj 2016, 07:35, Aktualitet CNA

Policia e Korçës arrestoi në flagrancë dy shtetas dhe shpalli në kërkim një tjetër që shpërndanin drogë, në afërsi të një shkolle të mesme dhe ka sekuestruar 220 gramë lëndë e dyshuar “Cannabis Sattiva” .

Nga  Specialistët e Seksionit kundër Narkotikëve, u bë kapja dhe arrestimi në flagrancë i shtetasve: Emiljan  Tepexhiku, 25 vjeç dhe J .G, 17 vjeç, të dy banues në Korçë, si edhe u bë shpallja në kërkim, për shtetasin Sh.M, 26 vjeç, banues në Linzë të Tiranës.

Në bazë të informacioneve të siguruara në rrugë operative, si edhe gjatë kontrollit  të ushtruar në automjetin tip ?SEAT? me targa AA 373 FO, me të cilin qarkullonin  shtetasit  Emiljan Tepexhiku dhe J.G, u gjet  dhe sekuestrua në cilësinë e provës materiale 16 gramë lëndë narkotike e dyshuar si Cannabis Sattiva.

Gjithashtu në vijim të veprimeve proceduriale, në lidhje me këtë rast, gjatë kontrollit të ushtruar në banesat e tyre dhe konkretisht tek banesa e J.G u gjet dhe sekuestrua  gjithashtu,  një sasi prej 204 gram lëndë narkotike e dyshuar si Cannabis Sattiva.

Sasinë e lëndës narkotike, shtetasi J.G, dyshohet se  i`a ka  blerë shtetasit SH.M, në një lokal në Linzë-Tiranë  dhe se do ta shpërndanin në doza kundrejt  pagesës, në afërsi të një shkolle të mesme në lagjen nr 2, të qytetit të Korçës.

 

Në cilësinë e provës materiale, u bllokuan 220 gramë bimë e dyshuar si narkotike Cannabis Sattiva, 2 aparate celularë dhe automjet tip ?SEAT? me targa AA 373 FO.





Lajmet e fundit nga