web counter
LEXO PA REKLAMA!

SHKARKO APP

App Store
Google Play

Gjergj Bojaxhi: Rama, diktatori që nuk pranon mendimet e qytetarëve

30 Prill 2016, 17:02, Aktualitet CNA

Ish-kandidati për Kryetar Bashkie në Tiranë në zgjedhjet lokale të 2015-ës, Gjergj Bojaxhiu e ka konsideruar Kryeministrin Edi Rama si person me bindje diktatoriale, që nuk pranon mendimet e qytetarëve. Përmes një postimi në rrjetin social Facebook, Bojaxhiu shkruan se dje shefi i qeverisë përdori pushtetin e tij për të ushtruar presion dhe bllokadë ndaj mediave dhe shoqërise civile, me qëllimin për të shmangur një diskutim të shëndetshëm dhe informues.

Ja çfarë shkruan në Facebook, Gjergj Bojaxhiu

Kryeministri Rama organizoi dje aktivitetin fasadë të rradhës, prezantimin farsë të një qendre komerciale dhe fushës së futbollit që e pason. Ai dje u përpoq deri në dëshpërim, për të manipuluar opinionin publik dhe përdori pushtetin e tij për të ushtruar presion dhe bllokadë ndaj mediave dhe shoqërise civile, me qëllimin e vetëm, për të shmangur një diskutim të shëndetshëm dhe informues, për qytetarët e Tiranës dhe jo vetëm.

Kryeministri Rama tregon arrogancë kur eviton debatin publik, duke treguar patronazh për pazare ekonomike dhe projekte politike në kundershtim të plotë me interesin e qytetarëve.

Deklaratat e tij të djeshme, tregojnë qartë bindjen e tij diktatoriale, se vendimet e tij duhet të jenë të pakontestueshme. Votat që një Kryeministër merr, nuk janë kurrësesi liçensë 4 vjeçare për të justifikuar batërdinë e tij personale. Ai as nuk e percepton dot idenë, se qytetarët mund të kenë mendimin e tyre të pavaruar dhe se në çdo kohë dhe për çdo vendimmarrje, ata mund të shprehin lirshëm mendimin e tyre, duke kontestuar çdo vendimmarrje që nuk përfaqëson të mirën publike dhe çdo kryeministër që është emblemë e këtyre vendimmarrjeve.

 





Lajmet e fundit nga