Dështimi i paralajmëruar i Bashës me riorganizimin e PD

30 Prill 2016, 13:40, Aktualitet CNA

Kreu i Partisë Demokratike, Lulzim Basha, duket se ka përgatitur dështimin e tij të radhës dhe si zakonisht ai këto dështime i përgatit deri në detaj me dorën e tij, qoftë edhe duke mos ndërhyrë kur i servirën skema dhe skenarë manipulativë.

Në një moment kur mund të korrigjonte gabimet e bëra nga zgjedhjet në degë pak kohë më parë apo edhe rezultatet skandaloze të zgjedhjeve lokale të vitit 2015, Lulzim Basha përdor një skemë manipulitaive dhe banale për të zgjatur jetën e disa ish drejtuesve të korruputar institucionesh, banditë të veshur me petk politik, të cilët do vazhdojnë detyrën në drejtimin e disa degëve vetëm sepse mbështetën Lulzim Bashën kur ai kandidoi për kreun e PD.

Pazari i korrikut të 2013-ës, krimi politik brenda Partisë Demokratike vazhdon të mbijetojë por edhe të vërtetohet në cdo hap dhe aksion që tenton të marrë Lulzim Basha.

Mbledh kryesinë, lejon palacot e oborrit të tij të fyejnë elitën e partisë, nga ana tjetër udhëzon riorganizimin e PD-së në 61 njësi administrative edhe pse nuk e njohu ndarjen e re territoriale. Por dardha e ka bishtin mbrapa. Nuk ka zgjedhje në ato degë që riorganizohen, por vetëm aty ku ka qejf Luli dhe aty ku nuk i janë servilosur Lulit. Servilat dhe shërbëtorët do vazhdojnë të jenë në krye të ?detyrës?.

Po sjellim një rast konkret. Do ketë zgjedhje për degën e re të PD në Maliq, por nuk do ketë zgjedhje në degën e PD në Korçë. Ndërkohë kreu i degës së Korçës është zgjedhur me votat e komunave dhe bashkisë që përfshijnë edhe njësinë administrative Maliq dhe Korçë. Dega e re Maliq do ketë zgjedhje, dega ku delegjitimohet kryetari nuk do të përfshihet në zgjedhje. Pra, në Korçë do vazhdojmë të kemi kryetar atë që zgjodhi Maliqi dhe Korça, kurse në Maliq do zgjidhet një i ri.

Nga ana tjetër, Bashkia Pogradec, e cila u fitua nga PD, edhe pse nuk ka asnjë ndryshim territorial, PD do të zhvillojë zgjedhje në degë. Arsyet krahasimore, citynews do ti sjellë me të tjera materiale me fakte konkrete. Pse Basha nuk bën zgjedhje atje ku humbet dhe bën zgjedhje atje ku fiton? Shembulli është Korça dhe Pogradeci ? Në fakt, ky është vetëm një shembull, të tjerë ka pa mbarim.

Këto veprime të Bashës duken thjesht dhe vetëm si shpërblim ndaj disa kryetarëve lokal ndaj të cilëve fatkeqësisht kreu demokrat është peng apo më keq akoma ka frikë dhe iu trembet. Edhe një herë që Lulzim Basha tenton të ndryshojë dicka, bën një riorganizim gjysmak në PD.

Një rrugë pa krye dhe një dështim që në fillimet e saj, duket tentativa për riorganizim e Lulzim Bashës, e cila në fakt sjell disa zgjedhje të reja, dhe aty ku delegjitimohen ato Basha do ti ruajë me fanatizëm. Kjo është çudia e riorganizimit të Partisë Demokratike. Zgjidhjen të rinj dhe mbrohen të delegjitimuarit. Këtë veprim ka kryer edhe Edi Rama në ditët e tij të para në opozitë. Veprimet e tyre nuk duket të kenë ndonjë ndryshim të madh./citynews