web counter
LEXO PA REKLAMA!

SHKARKO APP

App Store
Google Play

E fundit!

x

Si po “falet” koncesioni/ Të ardhurat nga TVSH e brendshme u rritën 14.7% në 2015-n

1 Mars 2016, 09:22, Ekonomi CNA

Nëse ky ritëm vazhdon dhe në 2016, kompania që do të fitojë PPP-në me qeverinë shqiptare, mund të marrë gati 8 milionë euro nga rritja e të ardhurave mbi 11%, jo për meritë të saj?

Kur pritet që nga dita në ditë të shpallet tenderi ndërkombëtar për partneritetin publik private për një platformë teknologjike që do të përmirësojë mbledhjen e TVSH-së, të dhënat e Ministrisë së Financave tregojnë se të ardhurat nga TVSH e brendshme u rritën 14.7% në 2015-n.

Kjo rritje është më e lartë se kufiri prej 11%, mbi të cilin kompania, që i ka propozuar Ministrisë së Financave një skeme PPP në fushën e administrimit të TVSH-së, do të fillojë të marrë pjesën e vet të fitimit.

Sipas ofertës së pakërkuar që ka dorëzuar kompania Mpos, ndarja e rritjes së të ardhurave do të varet nga formula e shprehur në termat e referencës, pra nëse në vitin e parë rritja do të jetë 0-4% mbi 11%, atëherë partneri do të marrë maksimalisht 90% të shtesës. Nëse rritja do të jetë nga 4-6% (mbi 11%) do të marrë maksimalisht 65% dhe po arriti nga 7-10% (gjithnjë mbi 11%) partneri privat të marrë 45% të shtesës.

Zyrtarë të lartë të Ministrisë së Financave kanë deklaruar se kufiri 11% është vendosur pasi nga të dhënat historike ka rezultuar se vetë administrata nuk mund të rrisë të ardhurat më shumë se kjo vlerë. Në fakt, pas 2008-s, ritmi i rritjes së të ardhurave të TVSH-së ka qenë negativ. Por, zgjerimi prej 10% në 2014-n dhe gati 15% në 2015-n (shiko grafikun) dëshmon se edhe me mjetet që administrata zotëron aktualisht mund të ketë një rritje dyshifrore, sidomos pas aksionit informalitet që ka disiplinuar përdorimin e faturave nga bizneset, duke sjellë rritje të deklarimit të xhiros. Në afat të mesëm, rritja ekonomike e pritshme prej 4% dhe inflacioni i targetuar prej 3% mundësojnë një zgjerim organik të të ardhurave prej 7%, duke e ?lehtësuar? punën për arritjen e targetit prej 11%.

Të ardhurat nga TVSH e brendshme arritën në 30 miliardë lekë, apo rreth 220 milionë euro në 2015-s, nga 26.3 miliardë lekë në 2014-n, sipas tabelave të Ministrisë së Financave. Nëse dhe në 2016-n, të ardhurat nga TVSH do të rriten të paktën 15% si në 2015-n, vetëm nga shtesa mbi 11%, kompania llogaritet të marrë rreth 1.1 miliardë lekë (gati 8 milionë euro).

Për janarin 2016, të ardhurat nga TVSH e brendshme bruto ishte gati 24% dhe të hyrat neto (duke hequr rimbursimet) ishin 13%, sërish mbi kufirin prej 11%, ku Ministria fillon e ndan të ardhurat.

Ministria e Financave ka bërë publike më se një muaj më parë nismën e ndërmarrë prej saj për një Partneritet Publik Privat, në fushën e administrimit tatimor. Institucioni që harton politikat fiskale të vendit tha se ka bërë një studim fizibiliteti shumë të detajuar, nga i cili kanë dalë edhe termat e referencës, që pritet të shpallen këto ditë. Do të shpallim tenderin e hapur ndërkombëtar, ku ftojmë të gjitha bizneset private, shqiptare apo të huaja, të marrin pjesë në këtë tender, kanë pohuar zyrtarë të financave. Ministria pranoi se ka marrë një propozim të pakërkuar nga kompania MPOS. Thelbi i propozimit është një platformë teknologjike, që zëvendeson dhe zgjeron sistemin aktual të deklarimeve fiskale, Nexus, me të cilin operohet prej disa vitesh në DPT dhe në të cilin kasat aktuale fiskale deklarojnë të dhënat ditore.

Pak ditë më parë, Fondi Monetar Ndërkombëtar i sugjeroi qeverisë shqiptare në rishikimin e pesë dhe të gjashtë të Marrëveshjes me Shqipërinë që të analizojë në mënyrë të hollësishme kostot dhe përfitimet e koncesionit të administrimit të TVSH para se të nisë tenderi.

?Lidhur me dhenien e një PPP (Partneritet Publik ?Privat) për sistemin ei TVSH  ne do të ndërmarrim një analizë të vlerës përpara se të hapet tenderi dhe çdo vendim në lidhje më të do të merret në konsultim me FMN-në? thuhet në marëveshjen e rishikuar të Fondit me qeverinë./monitor.al





Lajmet e fundit nga