web counter
LEXO PA REKLAMA!

SHKARKO APP

App Store
Google Play

PD tallet me veten/ MR. Bean dorëzon padinë ndaj Erion Veliaj

17 Shkurt 2016, 10:26, Aktualitet CNA

Sot, Partia Demokratike, ka dorëzuar në Prokurorinë e Tiranës një padi ndaj kryetarit të Bashkisë, Erion Veliaj. Padia ndaj Veliaj është depozituar për akuzën e ?shpërdorimit të detyrës?. Mësohet se ka qenë kllouni Ervin Salianji, ai që ka dërguar në prokurori padinë ndaj Veliajt.

Mr. Bean i Partisë Demokratike është dërguar për të përfaqësuar një cështje kaq serioze. Në fakt, ndërtimet tek liqeni dhe padia ndaj kryebashkiakut janë pjesë e një kauze delikate, e cila duhet të trajtohet me seriozisht nga PD. Dërgimi i një personi si Ervin Salianji, i akuzuar disa herë se ka pasur mbështetjen e klaneve klienteliste, por edhe për manipulimin e votave në garën për kreun e FRPD-së, nuk jep impaktin e duhur tek opinioni publik.

Në vend të kllounit mund të dërgohej një anëtar i Këshillit Bashkiak ose një deputet, ose padia të dërgohej me postë. Thua se në PD kanë shteruar mendjet e përgatitura dhe cdo gjë mbeti në dorë të Salianjit. Kjo ngre dyshime nëse PD e ka me të vërtetë luftën që po bën kundër ndërtimit tek liqeni apo e gjitha po bëhet vetëm për të ngritur figurën e Mr. Bean-it, i cili edhe pse i humbi zgjedhjet për kreun e FRPD-së, emërohet në pozicionin e sekretarit për Aksionin Qytetar.

Ky sekretariat u krijua posaçërisht për djalin nga Lozhani. Në fakt, PD krijoi një skretariat për aksionin qytetar që sekretar të emërohej një ?provincial? në formim. Prej kohësh, paaftësitë e Salianjit po mbështeten fuqimisht dhe po promovohen më shumë se cdo kush tjetër.

Dërgimi i kllounit, për të dorëzuar padinë ndaj Erion Veliaj, nuk është tallje vetëm për qytetarët, por edhe për vetë Partinë Demokratike, e cila mban nën sqetull humbës e dështakë.





Lajmet e fundit nga