web counter
LEXO PA REKLAMA!

SHKARKO APP

App Store
Google Play

E fundit!

x

Nga faqet e humorit amerikan/ROJTAR I PËRSOSUR

22 Nëntor 2015, 09:50, Satire CNA

Një gjahtar me prenë e varur nëpër vegjet e rripit të mesit, hasi në një rojtar që ia prishi tërë gëzimin e gjuetisë. Gjahtari nuk e pat besuar që në ato vise të Amerikës veri-perëndimore rojtarët të ishin aq këmbëngulës në hetimet e tyre.
Pasi e ndali, rojtari e filloi bisedën me përgëzim:
?Të lumtë, ore mik, se të paska ecur mirë dita sot. Të vjen keq të të bëj ca pyetje që m?i kërkon detyra??
Gjahtari mblodhi supet dhe i dorëzoi gjahun e vrarë. Roja mori njërën nga të dy rosat i futi asaj gishtin tregues në prapanicë e nxori që andej dhe i mori erë.
?Ky shpend është nga shteti i Uashingtonit. A e ke lejën e gjuetisë të këtij shteti??
Gjahtari nxori portofolin, hoqi që aty lejën shtetërore të Uashingtonit dhe qetësisht ia zgjati rojtarit.
Rojtari iu kthye lepurit të vrarë, i futi dhe atij gishtin tregues në rektum dhe i mori erë ashtu sic pat bërë me rosën.
?Ky është lepur i Ajdahos. Po nga shteti i Ajdahos a ke lejë për gjueti??
Gjahtari, pa prishur qejf, ia zgjati para syve dhe atë.
Rojtari mori të shihte dhe rosën e dytë. I futi dhe asaj gishtin dhe pasi e nuhati e gjeti që ajo rosë ishte nga ato të Oregonit.
?Po liçensën e shtetit të Oregonit, or zotëri, a e ke siguruar??
Këtë radhë gjahtari nuk e fshehu dot bezdinë dhe nuk i kujtoi rojes se ndodheshin në një zone, ku takoheshin të tre shtetet, por thjesht i dha dokumentin me vulë të Oregonit.
I bezdisur me rregullsinë e gjahtarit, rojtari ia ktheu atij tërë gjahun dhe i shfryu:
?Zotrote na paske marrë tërë liçensat e Amerikës! E prej nga dreqin paske ardhur këtu??
Gjahtari zbërtheu rripin, uli pantallonat dhe të mbathurat, dhe i ktheu kurrizin.
?Ja, ti e gjen kollaj me gishtin tend,? I tha. ?Kot më pyet mua!?





Lajmet e fundit nga