E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Takimi me Pitellën/ Rama: Negociatat me BE hapen vitin tjetër

3 Nëntor 2015, 13:57, Politikë CNA

Kryeministri Edi Rama ka pritur sot në një takim Presidentin të së majtës në Parlamentin Evropan, Gianni Pitella. Në një konferencë të përbashkët, kreu i qeverisë ka ndarë me të zhvillimet më të fundit në vend por edhe jashtë tij. Duke u ndalur tek aktualiteti Rama ka thënë se pret me padurim opinionin e Komisionit të Venecias për paketën e dorëzuar tashmë të Reformës në Drejtësi, ndërsa ashtu si Pitella ndau bindjen se vitin që vjen Shqipëria do hapë negociatat me BE.

?Paketa për Reformën në Drejtësi është në duart e Komisionit të Venecias, ne presim me qetësi dhe padurim reagimin e Komisionit të Venecias përmes një raporti të ndërmjetëm në fund nëntor apo fillim dhjetor, që besojmë do jetë një konfirmon i rëndësishëm në prag të Këshillit Evropian. Ne jemi dakord në këtë spektër, se viti i ardhshëm do jetë viti për hapjen e negociatave të Shqipërisë bazuar në të gjithë ecurinë e vendosur të qeverisë shqiptare, për të çuar përpara një proçes të gjerë reformash shtetndërtuese?.

Më tej, Rama shprehu gatishmërinë e qeverisë së tij për të përballuar krizën e refugjatëve të vendeve të luftës, duke iu gjetur kështu në krahë, siç vijoi ai, vendeve partnere si Gjermania por edhe BE-së.

?Folëm për krizën dramatike të refugjatëve që me flukse të paimagjinuara deri pak kohë më parë braktisin shtëpitë e tyre në Siri dhe gjetkë dhe drejtohen në Europë me synimin për të shkuar në Gjermani. Ata nënvizuan rolin që po luan Ballkani në këtë krizë dhe përgjegjshmërinë e Ballkanit për të ndarë përgjegjësinë e përballimit të kësaj krize, bashkë me Gjermaninë e Austrinë që kanë barrën kryesore dhe me BE. Shqipëria është e përgatitur të marrë përsipër rolin e saj si të gjitha vendet e tjera të Ballkanit dhe të bëjë gjithçka për të lehtësuar këtë krizë të rëndë dhe për t?ju gjetur në krah një aleati të madh siç është BE dhe një partneri të rëndësishëm si Gjermania dhe Austria?,- sqaroi Rama.