web counter
LEXO PA REKLAMA!

SHKARKO APP

App Store
Google Play

Kryeministri nën përgjim/ Berisha publikon e-mailet dhe bisedat sekrete me deputetë dhe drejtorë

30 Tetor 2015, 07:24, Politikë CNA

Kryeministri Edi Rama është nën përgjim. Ish-kryeministri Sali Berisha publikoi dje disa  dokumente dhe shkëmbime e-maili ndërmjet kreut të qeverisë, këshilltarit të Edi Ramës, Ermal Beqiraj, drejtorit të Hetimit Tatimor, Ahmet Premçi, deputetit Spartak Braho dhe prokurorit Ervis Matarku, për skandalin në serverin e tatimeve. E-mailet, sipas Berishës, janë çuar nga zyra e kryeministrit dhe tregojnë se kreu i qeverisë ka kapur organet e drejtësisë. Një e-mail, Sali Berisha e lexoi dje para deputetëve në Parlament.

?E-maile të dërguara direkt nga zyra e Edi Ramës, nëpërmjet famozit Ermal Beqiraj, i cili i dërgonte Ahmet Premçit. Në datën 14 dhjetor 2014, në orën 12:25, Ermal Beqiraj dërgon tek ai dhe ai i dërgon tek Spartak Braho dhe Prokurori. Kjo tregon sesi zyra e Kryeministrit e drejton Kryeprokurorin?, tha Berisha. Në vijim ish-kryeministri tha se qeveria për të mos lënë gjurmë nisi hetimet ndaj ish-drejtorit të IT, Roland Risto. ?Pasi e vodhën serverin, tani duhet të dënojnë Roland Riston dhe të fshijnë gjurmët. Nga Premçi te Braho i dërgohet e-mail. Prokurori ishte Ervis Matarku. Ai kishte një meritë të madhe se bashkëshorten e kishte deputete. I dërgon pyetjen, pyetja e fundit. ?A keni shoqëruar ju specialistë të ODIHR-it dhe a keni mbajtur këto procesverbale??. Këto janë marrë nga zyra e Këshillit të Ministrave?, sqaroi Berisha. Ndërkohë, sipas ish-kryeministrit hyrjen tek emailet e Ramës e kanë bërë hakerat. ?U futën ata që u futën. Sa hakera ka kjo botë, atë nuk e di unë. Hakerat futen në Blacberry-n tim. Pse nuk informuar më shkrim Drejtorin e Përgjithshëm për shkeljet e konstatuara.

?A ka procedurë sigurimi dhe back-up?? Ja një pyetje e trashë që bënte Ermal Beqiri, nuk e dinte që ka një back-up të dyfishtë?, tha Berisha?, lexoi Berisha. Po ashtu, Berisha në vijim të këtij e-maili, publikoi disa pyetje të bëra nga zyra e Kryeministrit që u janë dërguar Ahmet Prençit dhe Spartak Brahos.





Lajmet e fundit nga