Integrimi/ Pitella: Shqipërisë i duhen liderë si Rama e Meta që të konkretizojnë këtë aksion

3 Nëntor 2015, 12:24, Politikë CNA

Presidenti i së majtës në Parlamentin Evropian, Gianni Pittella, nisi sot vizitën disa ditore në Tiranë me takimin me kryetarin e Kuvendit, Ilir Meta.
Në një konferencë të përbashkët, kryeparlamentari Meta e siguroi Pittellën se do avancojë reforma në drejtësi që ti japë shtysë procesit të integrimit.

?Do përqendrohemi tek reforma në drejtësi, kjo me rëndësi për progresin e vendit për të përmbushur gjitha prioritetet kyçe. Presim me rëndësi progres raportin për këtë vit, do ta studiojmë me vëmendje, do përbëjë një program të rëndësishëm pune për të gjitha institucionet tona. Diskutuam edhe për çështje të tjera të bashkëpunimit rajonal apo edhe vëmendjen që duhet ti kushtojmë përballimit të prekjes së Shqipërisë nga kriza e refugjatëve që ka prekur mjaft vende fqinje dhe të BE. Kam falënderuar zotin Pitella për mbështetjen që i kanë dhënë vendit tonë?,- tha Meta.

Ndërsa Presidenti i së majtës në PE, Gianni Pittella tha se vijon të mbështesë idenë se e ardhmja e vendeve të Ballkanit është ne BE. Ai kërkoi të thellohet puna për reformën në drejtësi që Shqipërisë të çelë negociatat me BE-në në 2016.

?Jemi këtu për të nisur një mision që do na çojë tek vendet e Ballkanit, bashkë me kolegët e tjerë. E nisëm nga Shqipëria për shkak të lidhjes së thellë që kemi me këtë komb, e nisëm me zotin Meta se i përkasim së njëjtës familje socialiste evropiane. Jemi këtu për të ripërsëritur vullnetin tonë për ti çuar vendet e Ballkanit në BE. Shqipëria për ecën shumë mirë, dua të përgëzoj qeverinë Rama për punët dhe hapat me rëndësi që ka marrë. Ka një luftë të shtuar ndaj korrupsionit, ka bërë progres në lidhje me reformën e administratës publike, avancim domethënës është bërë edhe në respekt të të drejtave të njeriut, ka rimëkëmbje ekonomike që synon ta çojë rritjen ekonomike deri në 3%. Duhen duhen hapa të mëtejshme në reformën e drejtësisë në mënyrë që në 2016 të arrihet hapja e negociatave me BE. Nuk jemi këtu për herë të parë kemi ndjekur Shqipërinë që në procesin e liberalizimit të vizave. Është me rëndësi të ketë miq si ne Shqipëria por duhet të ketë liderë si Meta e Rama që të konkretizojnë këtë aksion?.