Piktura abstrakte në ekspozitën “Double Feature”

27 Mars 2015, 16:18, Kulturë CNA

?Double Feature? një format krejtësisht i ri e një ekspozite do të prezantohet te premten si një projekt nga ? Tirana Art Lab? me dy qasje të ndryshme artistike për kontekstin shqiptar, rajonal dhe ndërkombëtar. ?Double Feature? do të sjellë të sintetizuara brenda një hapësire të përbashkët punët e artistes greko-shqiptare Alma Bakiaj dhe asaj gjermane Viola Bittl. Me dy artistet, Double Feature i kushtohet tërësisht pikturës abstrakte bëjnë dije organizatorët lidhur me këtë ekspozitë.

Alma Bakiaj punon ne pikturë, instalacion, fotografi dhe video art. Në praktikën e saj artistike ajo përmbledh kërkimin, vëzhgimin dhe analizimin e kushteve të ndryshme njerëzore të cilat marrin shkas nga aspektet dhe eksperienca e jetës së përditshme.Pikturat e saj janë vëzhgime të detajuara sjelljesh, gjestesh, lëvizjesh apo veprimesh specifike, të cilat e lejojnë, që në të njëjtën kohë të përfshihet thellësisht me subjektin dhe të arrijë një nivel tëtillë abstragimi, duke rezultuar në ato që mund të quhen ?imazhe të papërcaktuara?.

Alma Bakiaj ka lindur në Shqipëri, më 1984. Që në fëmijëri ajo shkoi me familjen në Selanik të Greqisë, vend ku studioje për arte. Diplomuar në pikturë, më 2008, në Departamentin e Arteve të Fakultetit të Arteve të Bukura të Universitetit Aristoteli të Selanikut, ajo vazhdoi studimet dhe për Teori Kritike në Praktikat e Artit Bashkëkohor në Chelsea College of Arts and Design

të Universitetit të Arteve në Londër. Ajo studioje master për Artet e Bukura nga Shkolla e Arteve Plastike të Universitetit të Janinës, Greqi. Bakiaj jeton dhe punon midis Londrës dhe Selanikut. Punët e saj janë ekspozuar në ekspozita vetjake dhe në grup, midis të tjerash në Muzeu Maqedonas i Artit Bashkëkohor Selanik, Action Field Kodra Selanik, Embassy Tea Gallery London, The Crypt Gallery London, Antonopoulou Gallery Athinë, XV Biennale de la Méditerranée BJCEM, Muzeu i Artit Bashkëkohor Selanik.

Viola Bittl ka lindur më1980, në Bavari, Gjermani. Ajo ka studiuar në Akademinë e Arteve të Mynihut me profesor Sean Scully. Më pas është diplomuar më 2011, në Städelschule në Frankfurt/Main me profesoreshë Christa Näher. Në 2013 fitoi ishte bursante e Else-Heiliger-Fonds, Konrad- Adenauer-Stiftung, Berlin. Puna e saj është ekspozuar në ekspozita vetjake dhe në grup, midis të tjerash në institucione si Kunsthaus Wiesbaden, Eigen+Art Lab Berlin, LeRoy Neiman Center for Print Studies, Columbia University New York, Konrad-Adenauer-Stiftung Berlin, Zollam

Ekspozita do të qëndrojë e hapur deri më 2 maj 2015

Marrë nga ATSH