LEXO PA REKLAMA!

SHKARKO APP

Tunizi/Një nga agresorët e muzeut, i njohur për policinë

19 Mars 2015, 09:33, Kosova & Bota CNA

Një nga personat që ndërmorri sulmin në muzeun në Tunis ku humbën jetën 17 turistë të huaj ishte i njohur për autoritetete, tha kryeministri i Tunizisë. Habib Essi i tha radis RTL se shërbimet sekrete e kishin vendosur nën mbikqyrje Yassine Laabidi, por nuk ishin në dijeni të ndonjë aktiviteti specifik, apo të lidhjeve të tij me grupet militante.

Dy tunizianë, prej të cilëve një polic, gjithashtu humbën jetën në sulmin e së mërkurës. Të dy personat që besohet se ndërmorrën sulmin u vranë, ndërsa kanë nisur kërkimet për të dyshuarit që mund të kenë pasur lidhje me ta.

Dy deri në tre bashkëpunëtorë për sulmin janë ende të lirë, thanë burime të ministrisë së Brendshme për agjencinë AFP. Zëdhënësi tha se agresorët me gjasa janë tunizianë, personi i dytë i vrarë është identifikuar si Hatem Khachnaoui.
Turistët e vrarë në sulm përfshijnë vizitorë nga Japonia, Italia, Kolumbia, Australia, Franca, Polonia dhe Spanja.
Zyrtarët thanë se më shumë se 40 persona, turistë dhe tunizianë, janë plagosur.

Lajmet e fundit nga