LEXO PA REKLAMA!

SHKARKO APP

E fundit!

x

Tunizi/Tetë turistë të vrarë nga militantët në muzeum

18 Mars 2015, 13:13, Kosova & Bota CNA

Të paktën shtatë turistë të huaj dhe një tunizian janë vrarë pasi persona të armatosur sulmuan një muzeum në kryeqytetin e Tunizisë, thanë zyrtarët. Nuk ka konfirmime për shtetësinë e turistëve, mirëpo thuhet se disa turistë nga disa vende europianejanë marrë peng.

Agresioni ndodhi në muzeumin Bardo i cili gjendet pranë ndërtesës së parlamentit në qendër të Tunisit.
Në të njëjtën kohë me sulmin, deputetët ishin duke diskutuar ligjet antiterrorizëm. Parlamenti është evakuuar.

Një zëdhënës i ministrisë së Brendshme i tha agjencisë Reuters se dy militantë janë barrikaduar brenda muzeumit, të rrethuar nga forca të sigurisë.
Muzeu i njohur për koleksionin e antikiteteve, është një atraksion i rëndësishëm turistik i Tunizisë.
Së fundmi, në këtë vend janë shtuar shqetësimet për situatën e sigurisë për shkak të fqinjësisë me Libinë e trazuar.

Një numër i madh tunizianësh janë bashkuar me militantët në Siri dhe në Irak, e jo ka rritur shqetësimin se ata mund të kthehen në shtëpi për të kryer sulme terroriste.

Lajmet e fundit nga