web counter
LEXO PA REKLAMA!

SHKARKO APP

App Store
Google Play

E fundit!

x

Tahiri përuron Zyrën e Shërbimit Unik për Qytetarët në Komisariatin nr.1

9 Mars 2015, 14:41, Politikë CNA

Ministri Punëve të Brendshme, Saimir Tahiri ka inaguruar ditën e sotme Zyrën e Shërbimit Unik, në Komisariatin numër 1, në Tiranë. Ministri Tahiri deklaroi se ky është një tjetër shembull i vendosmërisë së qeverisë për të rritur cilësinë e shërbimeve ndaj qytetarëve.

?Zyrat e Shërbimit Unik si ato që kemi përuruar deri më sot në disa qarqe të Shqipërisë dhe në disa komisariate në Tiranë, siç është edhe kjo këtu, jep sigurisht një zgjidhje definitive shërbimeve cilësore që Policia e Shtetit jep ndaj qytetarëve, siç i jep një zgjidhje definitive, siç i jep një zgjidhje definitive evitimit maksimal të praktikave korruptive që kanë qenë deri dje. Dhe nga ana tjetër, ky është një shembull mjaft i mirë për suksesin që mund të arrijmë nëpërmjet bashkëpunimit me partnerët tanë dhe mbi të gjitha nëpërmjet bashkëpunimit me partnerët privatë.? shtoi Tahiri.

Gjatë deklaratës për mediat, i pyetur nga gazetarët në lidhje me akuzat e bëra sot nga ish-kryeministri Berisha drejtuar Tahirit për bllokim të hetimit për rreth 6 muaj të çështjes ?Doshi?, ai u shpreh ?Unë jam në krye të detyrës dhe jam shumë i vendosur të bëj atë për të cilën qytetarët më kanë mandatuar mua, kolegët e mi, Kryeministrin, qeverinë dhe mazhorancën.Kemi bërë gjithçka ka qenë në dorën tonë dhe tani është radha që të flasë Prokuroria dhe unë shpresoj që prokuroria, dhe nxis madje që të mbyllen hetimet në mënyrë të shpejtë dhe cilësore, që të dalin para përgjegjësisë të gjitha ata që sajuan skenarë të tillë, që nuk janë aspak të denja për pritshmëritë e qytetarëve.

Mua më vjen mirë që ish-kryeministri, pas 25 vjetësh e gjeti rrugën për të shkuar në Prokurori. Shpresoj që kjo si herë e parë të mos jetë hera e fundit, por në qoftë se kësaj radhe shkoi si dëshmitar, herët e tjera të shkojë si i akuzuar.?





Lajmet e fundit nga