web counter
LEXO PA REKLAMA!

SHKARKO APP

App Store
Google Play

E fundit!

x

Këto pije ju shpëtojnë nga gripi dhe ftohja

17 Janar 2015, 15:00, Lifestyle CNA

As vetë ne nganjëherë nuk jemi të vetëdijshëm se sa përbërje shëruese kanë ushqimet që na rrethojnë. Pikërisht ato mund të na ndihmojnë në luftimin e simptomave të viruseve.

shtë sezoni i ftohjes, ndërsa në fund të janarit arrin edhe epidemia e gripit. Edhe pse shumica tashmë janë furnizuar me medikamente dhe preparate tjera farmaceutike, kurimi i këtyre dukurive mund të bëhet në mënyra shumë më të shëndetshme, respektivisht në mënyrë natyrale.

Pra ne shpesh nuk jemi të vetëdijshëm se ushqime të ndryshme që i kemi pranë, mund të ndihmojnë shumë në luftimin e virozëve të ndryshëm.

Pikërisht ata mund të ndihmojnë në luftimin e virozëve siç janë teshtitja, rrjedhja e hundës, kolli dhe temperatura e lartë. Forcojeni sistemin tuaj imun me preparate nga hudhra, xhenxhefili, çajrat shërues dhe pijen nga mjalti dhe limoni. Këta janë disa nga preparatet nga të cilat trupi juaj do të jetë i shëndetshëm.

Hudhra

Hudhra është një antibiotik natyral dhe nëse jeni të sëmurë, shtypni dy thela të hudhrës dhe i gëlltitni me pakëz ujë. Shumë shpejt do të vëreni përmirësime në shëndetin tuaj.

Limoni dhe mjalti

Shtrydheni një limon dhe i shtoni një lugë mjaltë dhe pastaj hidheni në një gotë me ujë të nxehtë, i shtoni pakëz kanellë dhe e pini. Përveç që është një pije e shijshme, ky kombinim e forcon imunitetin dhe mbron nga viruset dhe bakteret.

Uthull molle

Një lugë të uthullës së mollës, e hidhni në një gotë me ujë dhe me këtë ju do ta lehtësoni ndezjen e fytit.

Shurupi

Shurupi nga mjalti, limoni dhe xhenxhefili, është një armë e shkëlqyeshme natyrale kundër ftohjes dhe gripit. Mjalti është një antioksidues natyral, limoni një antiseptik, ndërsa xhenxhefili me përbërjet e tij kundër inflamacioneve dhe si një antivirus, përmirëson punën e organeve respiratore.





Lajmet e fundit nga