web counter
LEXO PA REKLAMA!

SHKARKO APP

App Store
Google Play

Defiçiti buxhetor/Qeveria do të rialokojë fonde

19 Dhjetor 2014, 10:57, Ekonomi CNA

Qeveria mund të rialokojë një pjesë të fondeve që kishte programuar për investime publike, për të korrigjuar ecurinë e ngadaltë të tyre. Sipas të dhënave nga ministria e Financave shihet se për 11-mujorin, investimet me financim të brendshëm  janë realizuar vetëm  57 % e planit vjetor, ose 36.1 miliardë lekë.

Edhe pse pretendohet se gjatë këtij muaji të ketë një përshpejtim në kryerjen e tyre, për të ngushtuar mosrealizimin,  shifrat  tregojnë se  në fund të vitit  do të ketë miliarda lekë të pa investuara dhe projekte të pambaruara. Me organizimin e ri të qeverisë, monitorimi i ecurisë së investimeve ka kaluar nën përgjegjësine e Ministrisë së Zhvillimit Ekonomik.

Aktualisht, mes kësaj ministrie dhe Ministrisë së Financave po shqyrtohen një sërë opsionesh, se si do të rialokohen fondet e mosrealizuara, ku  një prej tyre dhe ndoshta më favoriti do të jetë ai për uljen e deficitit buxhetor.  Burimeve nga Ministria e Zhvillimit Ekonomik, bëjnë të ditur , se në nivelin e ulët  të realizimit të investimeve ka ndikuar edhe negociatat me FMN në muajt e parë të vitit.

Por sipas këshilltarit për Ekonominë  të grupit Parlamentar të PD, Dorian Teliti,  mosrealizimi i ketyre investimeve do të thotë ulje e punesimit, më pak shërbime publike për qytetarët, më pak të ardhura në buxhet dhe mungesë konkurrence me rajonin.

Referuar  buxhetit të  shtetit për këtë vit investimet publike për gjithë vitin janë  programuar në vlerën e 66 miliardë lekëve, nga të cilat 36.1 me financim të brendshëm.





Lajmet e fundit nga