web counter
LEXO PA REKLAMA!

SHKARKO APP

App Store
Google Play

E fundit!

x

Shenim/A po ben qeveria loje te piste me karburantet?

8 Dhjetor 2014, 09:47, Ekonomi CNA

Ne nje ekonomi tregu, liria e shitesve dhe bleresve per te percaktuar nivelin e cmimeve eshte e shenjte. Ne fakt, Hayeku thoshte se liria e cmimeve eshte elementi themelor i demokracise.

Ne zgjedhje individet thirren te shprehin vullnetin e tyre nje here ne kater vjet. Permes transaksioneve dhe rrjedhimisht edhe cmimeve e bejne kete dite per dite. Kjo eshte arsyeja se pse diktaturat dhe tregu I lire nuk mund te bashkejetojne asnjehere.

Por ashtu si cdo sistem edhe tregu korruptohet. Dhe ajo qe po ndodh me cmimet ne tregun e karburanteve, tejkalon cdo limit normal spekullimi edhe ne format me te renda te monopoleve. Eksperienca tregon se abuzime te ketyre permasave zakonisht funksionojne me bekimin ose konsensusin e autoriteteve.

Qeveria eshte e interesuar qe cmimet e karburanteve te jene te larta. Keshtu ajo mbledh me shume taksa. Akciza dhe taksa e qarkullimit jane fikse, dmth indiferente ndaj nivelit te cmimeve, por tvsh-ja jo. Sa me i larte te jete cmimi aq me shume tvsh mbledh qeveria.

Kur po debatohej paketa fiskale ne parlament, nje zyrtar i larte i qeverise tha se pavaresisht se po rrisim taksen e qarkullimit, cmimi i karburanteve ska per t’u rritur. Ne ate kohe e mora thjesht si nje perpjekje per te zbutur reagimin e rritjes se taksave. Por me vone pretendimi i cuditshem se cmimet sdo rriten pavaresisht rendimit te takses u shnderrua ne argumentin zyrtar te qeverise.

Marreveshjet e xhentellmenave jane fenomen i njohur ne tregje. Situata te tipit win-win si psh qe ne do ju taksojme me forte dhe do mbledhim me shume te ardhura, ndersa ju mund te mbani cmimet e larta pa u shqetesuar nga kontrollet e tatimeve, konkurrenca etj etj.

Nderkohe ne Mynih, nje nga qytetet me te pasura te botes, dje nje liter diesel kushtonte 1.18 euro ose 165 leke. Ne Tirane, nje nga qytetet me te varfera te Europes, nje liter diesel kushton 180 leke. That says it all.





Lajmet e fundit nga