web counter
LEXO PA REKLAMA!

SHKARKO APP

App Store
Google Play

Lufta për pushtet në BE/ Pse nuk na e thotë Merkel të vërtetën?

31 Maj 2014, 15:38, Kosova & Bota CNA

Një përplasje ka nisur brenda vetë Bashkimit Europian se kush do të jetë presidenti i ri i Komisionit Europian.

Kancelarja gjermane, Angela Merkel, tha një ditë më parë se ajo do që ish- kryeministri i Luksemburgut, Jean- Claude Juncker, të bëhet presidenti i KE.

Por sipas BBC, disa liderë europianë kanë shprehur kundërshtitë e tyre ndaj kësaj lëvizje.

Qeveria britanike mendon se Juncker është shumë federalist i BE.

Ata kanë kërkuar një proces më të gjatë për të gjetur konsensus.

Juncker është pjesë e Partisë Popullore Europiane, që ka fituar më shumë vende në zgjedhjet europiane, në total 213 nga 751.

Rivali kryesor i tij është socialisti Martin Schulz.

E përditshmja më e madhe gjermane, Bild, shkruan se nëse nuk do zgjidhet Juncker, atëherë demokracia është një farsë.

Por deklarata e djeshme e Merkel nuk e ka qetësuar këtë gazetë.

Ata thonë se Merkel sërish e ka lënë një derë të hapur, pa thënë një PO ose JO të qartë.

Por pse nuk është e qartë Merkel në qëndrimin e saj?

Ajo nuk ka qenë që në fillim dakord me idenë e kandidatëve për këto zgjedhje, pasi e dinte që do kishte një garë kokë më kokë, pa asnjë fitues të qartë me shumicë absolute.

Mesa duket kjo nuk parashikohet as nga Traktati i Lisbonës.

Po ashtu, Merkel e njeh mirë ish- shefin e qeverisë në Luksemburg dhe i di thashethemet për alkoolin, që dolën gjatë fushatës. Ajo e ka parë po ashtu se sa zvarrë e bëri fushatën zgjedhore.

Si shefe e qeverisë gjermane, ajo duhej të mbështeste gjermanin Schulz. Por si shefe e CDU, duhet të mbështesë Juncker. Si gruaja më e fuqishme në Europë, duhet të shmangë përplasjet mes shefave të qeverive.

Por edhe kërcënimi i britanikëve është i rëndësishëm.

Merkel nuk do që ata të largohen nga BE.

Në fund të fundit, ajo ka gati një paketë, e cila duhet të kënaqë të gjitha palët.

Gazeta Tema





Lajmet e fundit nga