E fundit!

10:31 Aktualitet

"Meta" shfaq probleme/ Përdoruesit e "Facebook" dhe "Instagram" vështirësi në aksesimin e llogarive

Platforma “Meta” ka shfaqur probleme. Qindra mijëra përdor...

Policia arreston bashkëpuntorin e saj

2 Prill 2014, 22:00, Aktualitet CNA

KORCE- Sot Policia e Korçës, ka bërë të ditur se ditëne djeshme rreth oorës 19:00, është bërë arrestimi në flagrancë i shtetasit: Guri Isa Cakollari, 58 vjeç, banues në fshatin Moravë të Korçës. Sipas policisë mbi të rëndon akuza ?Korrupsioni aktiv i personave që ushtrojnë funksione publike?, pasi gjatë zhvillimit të seancës gjyqësore për mjekun Niko Nunka, 58 vjeçari ka pranuar faktin e dhënies së rryshfetit për të.

Në 11 tetor policia e Korçës, ka vënë në pranga dy mjekët, Niko Nunka dhe Ismail Uzuni nën akuzën e korrupsionit dhe Guri Cakollari ishte bashkëpuntor i policisë, me qëllim dokumentimin e veprimtarisë së mjekëve, të cilët prej muajsh ishin në hetim nga strukturat e policisë. Denoncimi i këtij shtetasi kishte çuar në arrestimin flagrancë të mjekeve. Ndërkohë, familjarët e 58 vjeçarit, pretendojnë se ka qënë policia që i ka kërkuar të bëhen bashkëpuntorë në këtë çështje dhe se ata nuk kanë bërë asnjë denoncim në polici.

Ditën e djeshme është zhvilluar seanca ndaj të pandehurit Niko Nunka dhe Guri Cakollari ishte thirrur në seancë në cilësinë e dëshmitarit. Ai në sallën e gjyqit ka deklaruar se nuk ka bërë denoncim ndaj mjekut, por kanë qënë dy efektivë policie (emri i njërit prej tyre ishte Klement) ata që i kanë kërkuar të bëhej bashkëpuntor i policisë dhe ishin ata që i kanë dhënë dhe shumën prej 20 mijë lekësh të reja, lekë që më pas ai ia dha doktorit Nunka, veprim ky që solli dhe arrestimin e dy mjekëve.

Pas qëndrimit të djeshëm, policia ka shoqëruar për në Prokurori shtetasin Guri Cakollari, e cila më pas ka dhënë masën e arrestit për 58 vjeçarin. Familjarët shprehen se arrestimi i tij është bërë për arsye se ai nuk pranon të deklarojë versionin që i është kërkuar nga policia. Nga ana tjetër sipas policisë mbi të rëndon akuza ?Korrupsioni aktiv i personave që ushtrojnë funksione publike?, duke e vendosur kështu në të njëjtën akuzë njësoj si dhe mjekun Nunka. Që prej ditës së djeshme 58 vjeçari është arrestuar duke u shndërruar kështu nga bashkëpuntor në i akuzuar.