E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Fiton Vllaznia/ Vajzat shkodrane kualifikohen në Women's Europa Cup

17 Shtator 2025, 22:51, Sport CNA

Vllaznia në futbollin për vajza ka arritur që të kualifikohet në turin e dytë të Women's Europa Cup. Vajzat shkodrsne fituan edhe ndeshjen e dytë në shifrat 2-0 përballë ekipit ukrainas Kolos Kovalvika duke prerë kështu biletën për në raundin tjetër.

Pas këtij kualifikimi të rëndësishëm, Presidenti i Vllaznisë Lazër Matija tha se është i kënaqur me kalimin në raundin e dytë por për të loja e ekipit të tij nuk ishte bindëse dhe ka nevojë për përmirësime.

“Kualifikimi të gëzon por gjithsesi loja nuk ishte bindëse. Sidomos pjesa e parë nuk u vleresua si duhët. Mund të kishim disa raste që do ndryshonim rezultat. Në pjesën e dytë stafi bëri djsa ndrysbime dhe erdhi fitorja. Ne kemi investuar ne ekip dhe çso ndeshje do të merret një nga një. Gërshetimi i ekipit ka bërë që të vijë vonë në lojë por do rregullohemi me kalimin e kohës. Këto ditë do sterviten dhe do shohim mundësinë e ndonjë afrimi sepse kemi disa pima nevonë. Më çdo ndeshje futemi me pretendime të forta”, tha Matija.

Trajneri i Vllaznisë për vajza Nikolin Leka shprehet se loja e ekipit kundërshtar ishte e pritshme, por sërish kualifikimi në raundin e dytë mbyll çdo diskutim thotë tekniku kuqeblu.

“E prisnim këtë lojë nga ekipi kundërshtar ata do sulmonin sepse vijnë pas një humbje. Pjesa e parë nuk shkoi siç e kishim planifikuar por pjesa e dytë ndërroi ftyrë kërkuam më teper dhe luftuam.Si ndeshja e parë dhe e dyta është e merituar ndaj falenderoj vajzat. Ky kualifikim mbyll çdo gabim në fushë”, u shpreh trajneri.

Në përballjen ndaj ekipit ukrainas golat për Vllazninë u shënuan nga shqiptaro-amerikania Tereza Deda dhe kapitenia kuqeblu Megi Doçi, gola të realizuar në pjesën e dytë.

Tashmë për raundin e dytë Vllaznia do të duhet të presë hedhjen e shortit për të mësuar kundërshtarin e ardhshëm ndërsa ndeshjet do të zhvillohen më 7 ose 8 tetor dhe e kthimit më 14 ose 15 tetor. Edhe në raundin e dytë Vllaznia do të kërkojë një paraqitje dinjitoze dhe kualifikimin për më tej./CNA