web counter
LEXO PA REKLAMA!

SHKARKO APP

App Store
Google Play

E fundit!

x

Trajneri i Partizanit: Ju tregoj ndryshimin mes Serbisë dhe Shqipërisë

25 Tetor 2024, 17:38, Sport CNA

Trajneri i Partizanit: Ju tregoj ndryshimin mes Serbisë dhe

Trajneri i Partizanit, Aleksandar Veselinovic, foli në konferencë për shtyp, në prag të sfidës që të kuqtë luajnë ndaj Vllaznisë këtë të shtunë.

Ai kërkoi përqendrim maksimal, duke thënë se fokusi duhet të jetë vetëm te ndeshja.

Veselinovic bëri ndër të tjera edhe një krahasim, duke thënë se në kampionatin serb vetëm dy ekipe Partizani dhe Ylli Kuq luftojnë për titullin kampion çdo vit, ndërsa në Shqipëri janë disa skuadra që synojnë të fitojnë titullin.

“Kampionati është shumë i gjatë. Jemi vetëm në muajin tetor dhe është ende herët për të parë kush kryeson. Çdo ndeshje është shumë e fortë. Ndeshja e fundit në Elbasan ishte një spektakël dhe përsa i përket informacioneve që kam, na pret e njëjta atmosferë edhe në Shkodër.

Vllaznia është një klub me shumë traditë dhe histori. Po zhvillojnë një sezon pozitiv dhe janë një skuadër shumë e mirë, por siç e kam pohuar gjithmonë fillimisht duhet të respektojmë veten tonë.

E vetmja gjë në këtë moment është të mendojmë për veten tonë, obligimet tona dhe ndeshja e radhës që na pret. Çdo ndeshje, çdo javë në kampionat është shumë e fortë. Nëse mendojmë për ndeshjet e tjera do të humbasim përqendrimin e asaj çfarë duam të bëjmë. Kampionati shqiptar nuk është në top listën e kampionateve evropiane, por në çdo ndeshje duhet përqendrim deri në vërshëllimën e fundit të arbitrit.

Në kampionatin serb vetëm dy ekipe Partizani dhe Ylli Kuq luftojnë për titullin kampion çdo vit, ndërsa këtu janë disa skuadra që synojnë të fitojnë titullin. Ndaj mendoj që mënyra e duhur për ne është të fokusohemi te ndeshja e radhës dhe me përqendrimin maksimal”, u shpreh Veselinovic.





Lajmet e fundit nga