web counter
LEXO PA REKLAMA!

SHKARKO APP

App Store
Google Play

Tirana sfidon Laçin, trajneri Shkëmbi: Nuk është situatë e mirë kjo që po ndodh

25 Tetor 2024, 14:55, Sport CNA

Tirana sfidon Laçin, trajneri Shkëmbi: Nuk është

Tirana do të përballet me Laçin këtë të shtunë, në sfidën që do të luhet në stadiumin e Korçës. Bardheblutë vuajnë çështjen e stadiumeve, për ndeshjet në shtëpi, ndërsa këtë e pranoi edhe trajneri Bledi Shkëmbi në prononcimin para ndeshjes.

Sipas tij, kjo nuk është një situatë e mirë, e cila ka edhe ndikim në ekip.

“Sigurisht që do të donim të luanim në fushën tonë ose te “Air Albania” se përshtatemi më së miri. Nuk është gjë e mirë kjo që po ndodh, por ne duhet të bëjmë maksimumin në çdo fushë që të jemi të detyruar për të luajtur. Nuk është njësoj sikur luan në fushën tënde dhe në fushën e një tjetri, gjithashtu edhe për udhëtueset kur luajnë në shtëpinë e saj. Nuk duhet të justifikohemi por kjo është reale dhe ka ndikim.

Mendoj që i meritonim 3 pikët me Dinamon, kërkuam në të gjitha minutat dhe gjatë gjithë kohës për të fituar, por nuk kemi ç’të bëjmë se futbolli kështu është pasi duket se sikur nuk mjafton ajo që kemi bërë deri tani. Patjetër që ne na duhen pikë cilido kundërshtar të ishte, ky kampionat nuk ka as ekipe shumë të mira dhe as dobëta, jemi pothuajse njësoj me aq sa po shoh, duhet të bëjmë maksimumin.

Me sa e pashë ndeshjen e fundit, Laçi m'u duk ndryshe, disa lojtarëve u është dhënë besim dhe forcë. Ne synojmë shumë që të bëjmë mirë deri në janar, për lojtarë cilësorë kemi nevojë, për afrime që të bëjnë diferencën pasi pjesa tjetër është 'ok'”, deklaroi trajneri i kryeqytetasve.





Lajmet e fundit nga