web counter
LEXO PA REKLAMA!

SHKARKO APP

App Store
Google Play

E fundit!

x

Rikuperohet apo jo Balaj për Partizanin? E zbulon trajneri i Vllaznisë

25 Tetor 2024, 12:59, Sport CNA

Rikuperohet apo jo Balaj për Partizanin? E zbulon trajneri i Vllaznisë

Trajneri i Vllaznisë, Thomas Brdaric, foli në konferencë për shtyp, në prag të takimit të radhës në kampionat, ndaj Partizanit.

Tekniku kuqeblu deklaroi se ekipi duhet të japë maksimumin, ndërsa zbuloi se sulmuesi kryesor, Bekim Balaj, është rikuperuar.

“Ka shumë optimizëm në ekip. Na duhet kjo ndeshje në shtëpinë tonë, tifozët dhe një sfidë sa më e mirë ndaj Partizanit në “Loro Boriçi”. Duhet një performancë maksimale nga të gjithë lojtarët që do të jenë të gatshëm. Lojtarët që janë rikthyer kanë zhvilluar stërvitje gjatë javës, pasi në javën e kaluar nuk e kemi pasur ekipin e plotë. Kemi edhe 24 orë kohë për të përgatitur në maksimum këtë duel.

Stojanovic dhe Gurishta duken shumë mirë. Gjithashtu edhe Bekimi ka punuar shumë për t’u rikuperuar. Lajm i mirë është rikthimi i Balajt dhe unë e falënderoj shumë për punën që ka bërë për të qenë i gatshëm në kohë rekord për nesër. Kemi luajtur 3 ndeshje jashtë dhe duhet të kemi në plan shumë të mirë që ekipi të jetë i fokusuar gjatë 90-minutëshit.

Objektivi ynë do të jetë të kemi edhe mbështetjen e tifozëve. Ne jemi përgjegjës për këtë. Lojtarët dhe stafi po bëjnë maksimumin që të kthejnë momentin tonë. Duhet të luajmë shumë dhe të mbajmë portën e pa prekur. Kemi shënuar më shumë gola në Superiore dhe kemi pësuar po shumë. Duhet të bëjmë mirë në pjesën defensive”, ka mbyllur timonieri i shkodranëve.





Lajmet e fundit nga