web counter
LEXO PA REKLAMA!

SHKARKO APP

App Store
Google Play

Tirana dhe Flamurtari ndajnë pikët, Egnatia merr suksesin e parë

13 Shtator 2025, 18:25, Sport CNA

Tirana dhe Flamurtari ndajnë pikët, Egnatia merr suksesin e parë

Tirana dhe Flamurtari duhet të presin për fitoren e parë në Superiore. Dy ekipet barazuan 1-1 mes tyre, në duelin e zhvilluar në stadiumin “Selman Stërmasi”.

Në debutimin e trajnerit Robeto Bordin, bardheblutë e nisën ndeshjen më kërkues dhe gjetën shpejt avantazhin.

Në minutën e 6-të, Tabeku i harruar në zonë përfitoi dhe shënoi me kokë, duke i dhënë golin e parë Tiranës. Pas këtij goli, Flamurtari mori kontrollin e lojës, duke iu afruar disa herë barazimit, por tentativat në pjesën e parë ishin të dështuara.

Fraksioni i parë i lojës u mbyll me avantazhin e Tiranës, ndërsa i dyti ishte tjetër histori. Flamurtari barazoi shifrat në minutën e 53-të.

Sami shfrytëzoi një top të mbetur në zonë dhe me një gjuajtje të bukur, e ndali në fundin e rrjetës.

Në vazhdim të dyja ekipet kishin rastet e tyre për shënim, por gabuan shënjestër dhe u detyruan të ndajnë nga një pikë.

Me këtë barazim, Tirana renditet e parafundit me vetëm 2 pikë në tre javë. Në krahun tjetër, Flamurtari mban vendin e shtatë me të njëjtën kuotë pikësh.

Në duelin tjetër, të luajtur paralelisht, Egnatia fitoi minimalisht ndaj Bylisit. Kampionët në fuqi ishin në kërkim të suksesit të parë dhe e nisën ndeshjen në sulm.

Rastet për shënim në pjesën e parë ishin të shumta, por më flagranti ishte ai i minutës së 37-të, kur Ndreca gaboi nga pika e bardhë e penalltisë.

Në pjesën e dytë, rrogozhinasit u treguan më të saktë dhe gjetën avantazhin në minutën e 56-të, me një gol të Flamur Ruçit. Mesfushori ndëshkoi ish-skuadrën e tij, për t’u dhënë 3 pikët e para Egnatias.

Skuadra e Tetovës iu afrua edhe golit të dytë, por i ndal nga tranversa. Ky sukses e ngjit Egnatian në kuotën e katër pikëve, ndërsa Bylis numëron vetëm dy pikë të grumbulluara.





Lajmet e fundit nga