web counter
LEXO PA REKLAMA!

SHKARKO APP

App Store
Google Play

Vllaznia-Partizani të shtunën në “Loro Boriçi”/ Bajrami: Objektiv fitorja, na duhen 3 pikët

12 Shtator 2025, 15:15, Sport CNA

Vllaznia-Partizani të shtunën në “Loro

Vllaznia do të presë Partizanin të shtunën në stadiumin “Loro Boriçi” në Shkodër. Takimi mes dy prej ekipeve pretendente shihet si ndeshja më e rëndësishme e kësaj jave. Futbollisti i Vllaznisë, Melos Bajrami, gjatë konferencës për shtyp u shpreh se objektiv mbetet fitorja ndaj Partizanit, për të gjetur sërish tri pikët pas asaj humbjeje me një tjetër rival si Dinamo.

 “Është një sfidë që jemi përgatitur gjatë gjithë javës. Ekipi është gati për neser. Besoj se çdo gjë do të shkojë mirë dhe e presim me padurim. Ka qenë një humbje që na ka dhembur, por nga çdo humbje marrim një mësim. Kemi pasur kohë dhe kemi punuar në drejtim të atyre gabimeve. Mendoj se jemi gati dhe më të pjekur për të vepruar. Ekipi i ka marrë instruksionet nga trajneri dhe ekipi teknik, e mendoj se do të shkojë çdo gjë mirë. Edhe prurjet e reja e kanë treguar veten se janë pjesë e rëndësishme. Është viti i dytë për mua në Shkodër dhe mendoj se kemi ekip më të plotë se vitin e shkuar sepse jemi plotësuar në çdo sektor. Ne do t’i marrim ndeshje pas ndeshjeje, e për momentin është e rëndësishme për 3 pikët e ardhshme. Pretendente shoh ekipet që ishin dhe vitin e shkuar Egnatia, Partizani. Secili ekip duhet të gjejë gabimet e të përmirësohet, e më pas të shohë edhe rivalët. Luftën ne si fillim e kemi me vetveten, pastaj me të tjerët. Mundohemi të vlerësojmë të gjitha ekipet njëlloj, do përqendrohemi 100% dhe të marrim fitore”,-tha Bajrami.

Vllaznia fitoi me kampionët e Egnatias në javën e parë ndërsa u ul me këmbë në tokë duke humbur 0-3 ndaj Dinamos dhe tashmë ka një tjetër provë të vështirë me një ekip tjetër pretendent si Partizani, ku objektiv i vetëm mbetet fitorja.

Ndeshja luhet të shtunën, në orën 19:00, në “Loro Boriçi”./CNA





Lajmet e fundit nga