web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu synon kthesën, rikthim i rëndësishëm te korçarët

6 Nëntor 2024, 17:36, Sport CNA

Skënderbeu synon kthesën, rikthim i rëndësishëm te

Ndryshe nga një sezon më parë, Skënderbeu i këtij edicioni, po has vështirësi të mëdha. Dy humbjet e fundit në kampionat, ndaj Partizanit dhe Vllaznisë, kanë krijuar një situatë aspak të qetë.

Korçarët janë në zonën e mbijetesës, me vetëm 1 pikë më shumë se Bylis i vendit të fundit. Ndeshja e radhës do të jetë ndaj Teutës dhe kërkohet me çdo kusht kthesa.

Presion nga drejtuesit nuk ka, me lojtarët dhe stafin që kanë punuar në kushte të qeta për sfidën e javës së 13-të. Ndeshja e radhës do të jetë ndaj Teutës në Durrës dhe për këtë arsye, ekipi nuk ka udhëtuar drejt Korçës, por ka zhvilluar përgatitjet në resortin “Tropikal”, në qytetin bregdetar.

Te Skënderbeu presin rikthimin te fitorja, për të mos rrezikuar edhe më shumë pozitat në tabelë.

Në prag të ndeshjes me durrsakët, trajneri Ivan Gvozdenoviç, ka marrë lajme të mira nga infermieria. Sulmuesi kryesor i ekipit, Bismark, ka lënë pas krahëve shqetësimet fizike dhe do të jetë i gatshëm për takimin e së shtunës.

Me këtë rikthim, stafi teknik është përqendruar te pjesa ofensive, pasi goli është kthyer në problem për juglindorët.

Nga ana tjetër ajo që mban në dilemë korçarët është gjendja e Albi Dokës. Ish-lojtari i Kombëtares ende nuk është rikuperuar plotësisht nga dëmtimi që ka pësuar, teksa pritet që të ketë një provë në ditët në vijim. Gjithsesi, edhe nëse ia del të rikuperohet mendohet se nuk do ta nisë nga fillimi ndeshjen, por nga stoli në Durrës.

Ndeshja Teuta-Skënderbeu, është planifikuar të luhet ditën e shtunë, duke nisur nga ora 14:00.





Lajmet e fundit nga