web counter
LEXO PA REKLAMA!

SHKARKO APP

App Store
Google Play

E fundit!

x

Fonseca: Champions shumë ndryshe nga Serie A, më e vështirë të përgatitesh për Cagliari-n

6 Nëntor 2024, 10:28, Sport CNA
Fonseca: Champions shumë ndryshe nga Serie A, më e vështirë
Paulo Fonseca

Milan-i mori një fitore të madhe 1-3 ndaj kampionëve në fuqi të Champions League, Real Madrid-it, në takimin e katërt të fazës së Ligës.

Ndërsa foli për mediet pas suksesit në “Santiago Bernabeu”, trajneri i kuqezinjve, Paulo Fonseca, u shpreh se triumfi është i lojtarëve dhe jo i tiji.

"Ne fituam sepse lojtarët kishin guxim, ata erdhën këtu pa u frikësuar nga asgjë, vetëm të etur për të bërë lojën tonë dhe triumfi është i gjithi i ekipit, jo i imi. Ne e përgatitëm ndeshjen që ta kishim topin sa më shumë nën kontroll, në pjesën e parë bëmë gjëra të rëndësishme, në pjesën e dytë pati më shumë vuajtje, por vuajtëm së bashku dhe fitorja është e merituar”, -tha fillimisht ai.

Më tej, tekniku i “Djallit” shtoi se për të ishte më e lehtë që të përgatiste ndeshjen ndaj Real-it sesa kur punon për sfidat e Serie A.

“Ndeshjet në Champions janë krejtësisht të ndryshme nga ato në Serie A. Shumë njerëz që jetojnë jashtë nuk e dinë se sa e vështirë është të luash kundër skuadrave të kampionatit italian, është më e vështirë të luash kundër Monza-s ose Cagliari-t sesa kundër Real Madrid-it. Pa dyshim që Real Madrid-i është ndoshta ekipi më i fortë në botë”, -shtoi 51-vjeçari.

Teksa sa i përket krenarisë që ndien nga ky takim, portugezi deklaroi se Milan-i i tregoi Europës që italianët nuk luajnë vetëm në mbrojtje.

"Ne i dëshmuam Europës që skuadrat italiane nuk dinë vetëm të mbrohen, nuk jam dakord kur thuhet kjo për skuadrat italiane. Ne kishim durimin për të mbajtur topin dhe për të pritur kohën e duhur për të sulmuar. Tani ne duhet të vazhdojmë të rritemi sepse ka ende shumë për të bërë”, -u shpreh Paulo Fonseca.

Pas fitores ndaj Real Madrid-it, Milan-i renditet në vend të 18-të me gjashtë pikë./CNA

 

 





Lajmet e fundit nga