web counter
LEXO PA REKLAMA!

SHKARKO APP

App Store
Google Play

Të enjten hidhet shorti i UEFA Nations League për vajza, zbuloni rivalet e mundshme të Shqipërisë

6 Nëntor 2024, 09:51, Sport CNA
Të enjten hidhet shorti i UEFA Nations League për vajza, zbuloni
UEFA Nations League për vajza, Burimi: FSHF

Të enjten, më 7 nëntor, në selinë e UEFA-s në Nyon të Zvicrës, në orën 13:00, do të hidhet shorti për edicionin e dytë të UEFA Nations League për vajza.

53 ekipe Kombëtare Europiane janë të ndara në tri Liga, A (16 skuadra), B (16 skuadra) dhe C (21 skuadra). Kombëtarja shqiptare e vajzave ndodhet në Ligën B pas suksesit në edicionin kualifikues të "Euro 2025". Vajzat kuqezi e mbyllën në vendin e parë në grupin C5 dhe siguruan pjesëmarrjen në Ligën B.

Kombëtarja e vajzave ndodhet në vazon e katërt të Ligës B dhe në të njëjtën vazo janë edhe Rumania, Bjellorusia dhe Greqia.

Kundërshtaret e tjera të Ligës B, që priten të jenë edhe rivalet e mundshme të Shqipërisë në UEFA Nations League janë të ndara në tri vazo të tjera.

Në vazon e parë janë Finlanda, Çekia, Irlanda dhe Polonia. Në vazon e dytë janë Serbia, Ukraina, Irlanda e Veriut dhe Turqia. Në vazon e tretë janë: Kroacia, Hungaria, Bosnje-Hercegovina dhe Sllovenia. Ndeshjet e grupit do të luhen me sistem vajtje-ardhje.

Kalendari i ndeshjeve:

Ndeshja 1 & 2: 19-26 shkurt 2025

Ndeshja 3 & 4: 2 – 8 prill 2025

Ndeshja 5 & 6: 28 maj – 3 qershor 2025./CNA





Lajmet e fundit nga