web counter
LEXO PA REKLAMA!

SHKARKO APP

App Store
Google Play

Skënderbeu sfidon Vorën në Kupë, Gjoka: Luftojmë në dy fronte, mund të kishim fituar me Partizanin

14 Janar 2025, 15:11, Sport CNA

Skënderbeu sfidon Vorën në Kupë, Gjoka: Luftojmë

Skënderbeu kërkon kualifikimin në Kupën e Shqipërisë, aty ku do të përballen me Vorën. Barazimi i fundit me Partizanin në kampionat, ka ndezur shpresat te korçarët.

Në prag të sfidës në Kupë, trajneri i Skënderbeut, Ernest Gjoka, u ndal te sfida e kaluar, ku sipas tij, ekipi juglindor mund të kishte fituar ndaj Partizanit, nëse golin e barazimit do ta kishte shënuar më herët.

Tekniku bardhekuq u shfaq i lumtur për reagimin që skuadra e tij tregoi në pjesën e dytë në kryeqytet.  

“Ndeshja me Partizanin ishte e vështirë. Ishte një ndeshje ndaj një skuadre të fortë, pavarësisht se Partizanit i janë larguar disa titullarë. Për mua ishte shumë e rëndësishme. Më e mira do të ishte sikur të kishim fituar, por problematikat që vazhdojmë të kemi, bëjmë gabime dhe nga gabimet do të mësojmë. Mendoj se skuadra reagoi mirë dhe treguam se karakteri dhe dëshira për të arritur rezultatin vazhdojnë të ekzistojnë në skuadër. Po përpiqemi të japim maksimumin dhe të marrim maksimumin. Reagimet në pjesën e dytë ishin pozitive. Nëse do të kishim shënuar më herët, mund të kishin fituar ndeshjen. E them këtë për rastet e skuadrës në pjesën e dytë. Ekipi ka dëshirë.”

Gjoka deklaroi se qëllimi i Skënderbeut është të shkojë sa më gjatë në Kupën e Shqipërisë dhe për këtë arsye ndaj Vorës do të kërkohet me çdo kusht kualifikimi. Trajneri tha se korçarët do të luftojnë në dy fronte, kampionat dhe Kupë.

“Duam të ecim sa më shumë në Kupë. Do të jetë një ndeshje shumë e fortë nga ne, me specifika për të kaluar këtë tur. Unë e di sa më të mira mund të jenë kushtet në Bilisht, por ne do bëjmë maksimumin për të kaluar. Futbollistët i dinë objektivat e klubit dhe ne do të luftojmë në dy fronte.”

Ndeshja Skënderbeu-Vora do të luhet në stadiumin e Devollit, të mërkurën, duke nisur nga ora 13:00.  





Lajmet e fundit nga