web counter
LEXO PA REKLAMA!

SHKARKO APP

App Store
Google Play

Skandali i radhës! Fenerbahce aktivizon në Superkupë 19-vjeçarët dhe braktis ndeshjen pas 2 minutash lojë

7 Prill 2024, 22:30, Sport CNA

Nuk ka qetësi në futbollin turk, me skandalin e radhës u regjistrua në finalen e Superkupës, mes Fenerbahces dhe Galatasaryt. Skuadra e "Fener", braktisi lojën pas vetëm dy minutave lojë, pasi Icari kishte zhbllokuar sfidën. 

Fenerbahce kishte vendosur të fuste në fushë ekipin U-19, një vendim i marrë në konflikt me Federatën pas incidenteve në transfertën e Trabzonspor dhe gjithashtu pas kërkesës së pasuksesshme për ta shtyrë ndeshjen, duke qenë se ishin ende në UEFA Confernece League, si dhe për ta luajtur me një gjyqtar të huaj.

Mirëpo Federata nuk e pranoi diçka të tillë, duke krijuar jo pak pakënaqësi, te Fenebrahce dhe për të mos mjaftuar e gjithë kjo, rivalët historikë të Galatasaray, për ta bërë situatën edhe më “tragjikomike”, festuan në fushë sikur gjithçka të kishte ndodhur rregullisht.

Dy rivalët e mëdhenj të kampionatit duhej të përballeshin 29 dhjetorin e kaluar në Riad, por ndeshja nuk u luajt për shkak të një incidenti diplomatik mes Turqisë dhe vendit që duhej të organizonte eventin, teksa kriza u krijua nga vendimi i autoriteteve arabe për të mos lejuar në fushë pankarta dhe bluza me referenca për themeluesin dhe presidentin e parë të Republikës Turke, Mustafa Kemal Ataturk.





Lajmet e fundit nga